රනිල් වික්‍රමසිංහ පාර්ශවයෙන් විපක්ෂ නායක සජිත් ප්‍රේමදාසගේ නායකත්වයෙන් යුත් නව සන්ධානයේ ජන්ද ලකුණ පිලිබඳව ප්‍රශ්න කරමින් සිටියදීම එම සන්ධානය ලියපදිංචියට මැතිවරණ කොමසාරිස් කාර්යාලයෙන් බාධා පැමිණ තිබේ.
දැනට ලියාපදිංචි කරන ලද පක්ෂයක නම හා ලාංඡනය සංශෝධනයට මැතිවරණ කොමසාරිස් කාර්යාලයෙන් අවසර ඉල්ලා ඇතත් එය විධිමත් ලෙස ඉදිරිපත් නොකිරිම නිසාවෙන් ප්‍රතික්ෂේප වී ඇති බවයි මාධ්‍ය වාර්තා කන්නේ.
දුරකතනය ලංඡනයෙන් අපේ ජාතික පෙරමුණ ලෙස දැනට ලියාපදිංචි කර ඇති පක්ෂය හදවත ලකුණින් සමගි ජන බලවේගය ලෙස වෙනස් කර දෙන ලෙසයි විපක්ෂ නායක ප්‍රමුඛ පිරිස විසින් මැතිවරණ කොමසාරිස් කාර්යාලයෙන් ඉල්ලා ඇත්තේ.
කෙසේ වෙතත් ලියාපදිංචි පක්ෂයක් සංශෝධනය කරන ආකාරයට යළි විධිමත් ලෙස ඉල්ලීමක් කරන ලෙසට මැතිවරණ කොමිසම දැනුම් දී ඇතැයි එහි ප්‍රකාශයෙකු උපුටා දක්වමින් මාධ්‍ය වාර්තා කර තිබේ.
එක්සත් ජාතික පක්ෂ නායක රනිල් වික්‍රමසිංහගේ මුලිකත්වයෙන් 10 සඳුදා රැස්වු පක්ෂ කෘත්‍යාධිකාරි මණ්ඩල රැස්විමේදී ද ඉදිරි මහ මැතිවරණයට ඉදිරිපත් වන ජන්ද ලකුණ පිළිබඳව අවසන් එකඟතාවයට පැමිණ නොතිබුනි.
කෙසේ වෙතත් අපේ ජාතික පෙරමුණේ නම හා ලාංඡනය වෙනස් කිරීමට කරන ලද ඉල්ලීම අනුමැති කරමින් සමගි ජන බලවේගය ලෙස එය සංශෝධනය කර මැතිවරණ කොමිසම විසින් 11 අඟහරුවාදා වන විට ලියාපදිංචි කළ බව පක්ෂයේ උප සභාපති සේනක සිල්වා මාධ්‍ය වෙත කියා සිටියේය.
Facebook Comments
