මහ මැතිවරණය ඉලක්ක කර ගනිමින් සමාජ මාධ්‍ය වෙබ් අඩවි වල වෛරී ප්‍රකාශන හුවමාරු කරගැනීමේ ඉහළ ගොස් තිබෙන බවට තොරතුරු තාක්ෂණ විෂය හා සම්බන්ධ ශ්‍රී ලංකාවේ ප්‍රවීණයන්ගේ සංවිධානය අනතුරු අඟවා සිටී.
විශේෂයෙන්ම ෆේස්බුක් වෙබ් අඩවිය තුළ එවැනි වෛරී ප්‍රකාශ ප්‍රචාරණය වැඩි වශයෙන් සිදුවන බවට නිරීක්ෂණය වන බවයි නිවේදනයක් නිකුත් කරන ශ්‍රී ලංකා තොරතුරු තාක්ෂණ සංගමය පෙන්වා දෙන්නේ.
“මෙම අවස්ථාව ප්‍රයෝජනයට අරගනිමින් යම් කණ්ඩායම් විසින් තම වාසිය උදෙසා ඉදිරියේදී පැවැත්වීමට නියමිත මහ මැතිවරණය ඉලක්ක කරමින් කටයුතු කරන බවක් සමාජ මාධ්‍ය අඩවි තුළ විශේෂයෙන්ම ෆේස්බුක් වෙබ් අඩවිය තුළ නිරීක්ෂණය කිරීමට අප ශ්‍රී ලංකා තොරතුරු තාක්ෂණ සංගමයට හැකි වී තිබේ.”
පටු දේශපාලන වාසි තකා ඉස්මතුවන මෙවැනි වෛරී ප්‍රකාශන හා අන්තර්ගත සමාජ මාධ්‍ය අඩවි වල හුවමාරු කරගැනීමට යාමෙන් වළකින ලෙස එම සංගමය ශ්‍රී ලාංකික සමාජ මාධ්‍ය පරිශීලකයන්ගෙන් වැඩි දුරටත් ඉල්ලා ඇත.
Facebook Comments
