පළාත් සභා අත්‍යවශ්‍යයි – ඉන්දීය අගමැති, අගමැති මහින්දට කියයි

0

පළාත් සභා ක්‍රමය සම්බන්ධයෙන් ආණ්ඩුව තුලම මත ගැටුම් ඇති අවස්ථාවක සාමය හා සංහිඳියාව පිළිබඳ ක්‍රියාවලිය ඉදිරියට ගෙන යාම සඳහා මෙරට පළාත් සභා ක්‍රියාත්මක කිරීම අත්‍යවශ්‍ය බව ඉන්දීය අගමැති අවධාරණය කර තිබේ.

වීඩියෝ තාක්ෂණය ඔස්සේ සැප්තැම්බර් 26 වනදා ඉන්දීය අගමැති නරේන්ද්‍ර මෝදි, ශ්‍රී ලංකාවේ අගමැති මහින්ද රාජපක්ෂ අතර පැවති විශේෂ සාකච්ඡාවකදී ඉන්දිය අගමැතිවරයා මේ බව ප්‍රකාශ කර ඇත.

පළාත් සභා සහ පළාත් පාලන කටයුතු භාර රාජ්‍ය අමාත්‍ය, සරත් වීරසේකර පසුගිය දිනවල ප්‍රසිද්ධියේම කියා සිටියේ පළාත් සභා අහෝසි කල යුතු බවයි.

කෙසේ වෙතත් සරත් වීරසේකර රාජ්‍ය ඇමතිවරයාගේ ප්‍රකාශයට වව්නියාවේ පැවති මාධ්‍ය හමුවක දි ප්‍රතිචාර දැක්වූ ධිවර අමාත්‍ය ඩග්ලස් දේවානන්ද, වර්තමාන ආණ්ඩුව යටතේ 13 වන සංශෝධනය අහෝසි වීමක් සිදු නොවන බව සහතික කර සිටියේය.

සාමය හා සංහිඳියාව පිළිබඳ ක්‍රියාවලිය ඉදිරියට ගෙන යාම සඳහා ශ්‍රී ලංකා ආණ්ඩුක්‍රම ව්‍යවස්ථාවේ 13 වන ව්‍යවස්ථා සංශෝධනය ක්‍රියාත්මක කිරීමේ අවශ්‍යතාවය අගමැති මහින්ද රාජපක්ෂ හට ඉන්දිය අගමැතිවරයා පෙන්වා දුන් බව දෙරටේ නායකයිනගේ සාකච්ඡාව සම්බන්ධයෙන් ඉන්දීය විදේශ කටයුතු අමාත්‍යාංශය නිකුත් කළ නිවේදනයේ වැඩි දුරටත් සඳහන්ව තිබුනි.

Facebook Comments

wedding people