රට ගිහින් හමාරයි ගුවන් ප්‍රවේශ පත්‍ර මිළත් ඉහල නගී

ශ්‍රී ලංකාව සමග ගුවන් ගමන් සම්බන්ධතා පවත්වන ලබන සියලුම ගුවන් සේවාවන් , සිය ගුවන් යානා ප්‍රවේශ පත්‍ර ගාස්තුව 03/11 දින අලුයම 12.01 සිට 27% කින් ඉහළ නංවා ඇති බව ශ්‍රී ලංකා සිවිල් ගුවන් සේවා අධිකාරියේ සභාපතිවරයා නිවේදනය කර තිබේ.

ඇමෙරිකානු ඩොලරයට සාපේක්ෂව රුපියල අව ප්‍රමාණ වීම මත මෙසේ ගුවන් යානා ප්‍රවේශ පත්‍ර මිළ ඉහළ නැංවීමට එම සමාගම් තීරණය කර ඇති බවයි සභාපති උපුල් ධර්මදාස පෙන්වා දෙන්නේ.

මෙතෙක් ඇමෙරිකානු ඩොලරයක් රුපියල් 203.66 ක මිළකට පැවති අතර , ශ්‍රී ලංකා මහ බැංකුවේ තීරණය මත ,රුපියල පාවීමට සැළස්වීමට ගනු ලැබූ තීරණය මත මේ වනවිට ඇමෙරිකානු ඩොලරයක් රුපියල් 259.99 දක්වා ඉහළ ගොස් ඇත.

ඒ අනුව මේ ආකාරයට මෙසේ සියලුම ගුවන් සේවාවන් සිය ප්‍රවේශ පත්‍ර ගාස්තුව 27% කින් ඉහළ නැංවීමට පියවර ගෙන ඇති බව සභාපතිවරයා වැඩිදුරටත් එම නිවේදනය මගින් පෙන්වා දී තිබේ.