පළාත් සභා ශක්තිමත් කරන හැටි ජනපති පහඳයි

0
152
wedding people
Loading...

පළාත් සභා ක‍්‍රමයේ අඩුපාඩු, සාර්ථක අසාර්ථකභාවයන් හඳුනාගනිමින් ශක්තිමත් පළාත් සභාවක් ගොඩනැගීමට එහි ආරම්යේ සිට මේ දක්වා කටයුතු පිළිබඳ අධ්‍යයනයක් සිදු කළ යුතුව ඇති බවට ජනාධිපතිවරයා ප්‍රකාශ කර තිබේ.

තමන් අමාත්‍ය ධුරය දරන අවධියේ මේ පිළිබඳව අවස්ථා දෙකකදී ම යෝජනා ඉදිරිපත් කළ බව සිහිපත් කළ ජනපති 2015 දී ජනපති ධුරයට පත් වීමෙන් පසුවද අදාළ අංශවලට උපදෙස් ලබාදුන් නමුත් මෙතෙක් කිසිවෙක් ඒ සඳහා නිසි වැඩපිළිවෙළක් කි‍්‍රයාවට නැංවීමට කටයුතු කර නැති බවටයි චෝදනා කරන්නේ.

ශක්තිමත් පළාත් සභාවක් ගොඩනැගීමට මෙවන් වාර්තාවක් කඩිනමින් සම්පාදනය කිරීම අත්‍යාවශ්‍ය බව ජනාධිපති මෛත්‍රීපාල සිරිසේන 1 සිකුරාදා මුදල් කොමිෂන් සභාවේ නව ගොඩනැගිල්ල විවෘත කිරීමට එක්වෙමින් පැවසීය.

වංචාව, දුෂණය සහ අක‍්‍රමිකතාව පිටුදැකීමේ අරමුණු සාර්ථක කර ගැනිමට නම් රට තුළ මූල්‍ය කළමනාකරණය සහ මූල්‍ය විනය ඇතිකිරීම අත්‍යාවශ්‍ය බව ද ජනාධිපතිවරයා පේවා දුනි.

මූල්‍ය විනය කඩකරන්නන්ට එරෙහි ව තරාතිරමකින් තොරව නීතිය කි‍්‍රයාත්මක විය යුතු බව ද අවධාරණය කල ජනාධිපතිවරයා වාර්ෂික ව අමාත්‍යාංශ, දෙපාර්තමේන්තු සහ සංස්ථා වෙත යොමු කරන විගණකාධිපති වාර්තාවේ නිර්දේශ එම ආයතන තුළ කි‍්‍රයාත්මක නොවීම ගැටලූවක් බව කියා සිටියේය.

එබැවින් විගණකාධිපති වාර්තාවේ නිර්දේශ සහ යෝජනා අනිවාර්යයෙන්ම අමාත්‍යවරුන් සහ අමාත්‍යාංශ ලේකම්වරුන් විසින් කි‍්‍රයාවට නැංවිය යුතු බවටත්, එසේ කි‍්‍රයාත්මක නොකරන අයට එරෙහිව ද`ඩුවම් ලබාදීම පිළිබඳව නීති පාර්ලිමේන්තුව හරහා සම්පාදනය කළ යුතු බවටත් ජනාධිපතිතුමා මෙහිදී කථානායකවරයා වෙත යෝජනා කළේය.

Facebook Comments

Loading...