රටට නව ව්‍යවස්ථාවක් ගෙන ඒමට සුදුසුම කාලය එළඹ ඇති බවට එක්සත් ජාතික පක්ෂ ඇමැතිවරයෙකු විශ්වාසය පළ කර තිබේ.
පාර්ලිමේන්තුව තුළ කිසිඳු පක්ෂයකට තුනෙන් දෙකක බහුතරයක් නොමැති බැවින් සියලු දෙනාගේ අදහස් හා යෝජනා ඇතුලත් කර නව ව්‍යවස්ථාව සැකසිය හැකි බවටයි අමාත්‍ය පී හැරිසන් පෙන්වා දෙන්නේ.
“තුනෙන් දෙකක පක්ෂයක් තියෙන පක්ෂයක් බිහි වෙච්ච දවසට අලුත් ව්‍යවස්ථාවක් හදන්න ගෙනාවොත් ඒ පක්ෂෙ මතය විතරයි ක්‍රියාත්මක වෙන්නෙ. අද එහෙම නැහැ පාර්ලිමේන්තුවේ බහුතරයක් කාටත් නෑ ඒ නිසා සියලු දෙනාගේ අදහස් උදහස් වලට සවන් දෙන්න වෙනවා.” යි ඇමතිවරයා පැවසීය.
එබැවින් මේ අවස්ථාවේ සියලු දෙනා ප්‍රයෝජනය ගෙන රටට උචිත ව්‍යවස්ථාවක් සකස් කරගත යුතු බව අමාත්‍ය පී හැරිසන් වැඩි දුරටත් අවධාරණය කළේය.
Facebook Comments
