ජාතීන් අතර සංහිඳියාව ඇති කිරීම කාලීන අවශ්‍යතාවක් බවත් ඒ වෙනුවෙන් සතියක කාලයක් නම් කිරීමට ගත් පියවර වැදගත් පියවරක් බව වාදන ශීල්පී හා ගායක චිත්‍රාල් සෝමපාල පවසනවා.
රජය විසින් ප්‍රකාශයට පත් කර ඇති ජතික ඒකාබද්ධතා හා සහජිවන සතිය සම්බන්ධයෙන් සිලෝන් ජර්නල්ස් වෙත ඔහු මේ බව කියා සිටියේය.
යුද්ධයෙන් පසුව ජාතීන් අතර සහජීවන ඇති කරවීමට පෙර රජය පියවර නොගත් බව පෙන්වා දෙන චිත්‍රාල් පවසන්නේ සිංහල, දෙමළ හා මුස්ලිම් සියලු දෙනා එක්ව සහජිවනයෙන් ජිවත්වීමට කාළය එළඔ ඇති බවයි.
සහජීවනය වෙනුවෙන් සතියක කාළයක් නම් කිරීම සාධනීය පියවරක් බවත් සහජිවනය යථාර්ථයක් කර ගැනීමට සියලු ජාතීන් කැප විය යුතු බවටයි ඔහු අවධාරණය කරන්නේ.
යෝජිත නව ව්‍යවස්ථාව තුළින් ඒකීය රාජ්‍ය ව්‍යුහය පවත්වා ගනිමින් බහුතර සිංහල බෞද්ධ ජනතාවට දෙමළ, මුස්ලිම්, කතෝලික ඇතුලු අනෙකුත් ජනතාව සිය ගෞරවය දැක්විය යුත් බව සහ බෞද්ධ ජනතාවද ඒ හා සමාන ලෙස අනෙක් ආගම් වලට ගරු කල යුතු බවටයි ඔහු සිලෝන් ජර්නල්ස් වෙත වැඩි දුරටත් කියා සිටියේ.
Facebook Comments
