යුද්ධයෙන් අහිමි කළ ඉඩම් දෙන ලෙස ආදිවාසීන්ගෙන් ඉල්ලීමක් (VIDEO)

0

යුද්ධයෙන් පලාගොස් උන්හිටි තැන් අහිමිවී සිටින ලංකාවේ තමන් සිය නිජභූමියේ නැවත පදිංචි කිරීම සඳහා පියවර ගන්නා මෙන් ආදිවාසීහු බලධාරීන්ගෙන් ඉල්ලා සිටිති.

ආදිවාසීන්ගේ ජගත් දිනය සමරා දඹාන කොටබකිනියේ පැවැති රාජ්‍ය උත්සවය අමතා ඌරුවරිගේ වන්නියලැත්තන් ප්‍රකාශ කරන පරිදි මෙසේ අල්ලාගෙන ඇත්තේ මඩකලපු දිස්ත්‍රික්කයේ වාකරේ ගම්මානයේ ආදිවාසී ජනතාව පදිංචිව සිටි භූමියයි.

තම පාරම්පරික ඉඩම් යුද්ධයෙන් පසු බලහත්කාරයෙන් අත්පත් කරගැනීම නිසා මුහුණ පාන්නට සිදුවී ඇති දුෂ්කරතා ආදිවාසී නායකයා බලධාරින්ගේ අවධානයට යොමු කළේය.

ආදිවාසීන්ගේ ජගත් දිනය සමරා පවත්වන උත්සවයට පෙරදා රාත්‍රියේ පවත්වන ලද විශේෂ වරිග සභා රැස්වීමකදී තම ප්‍රජාව මුහුණ පා සිටින ආර්ථික අසීරුතා පිළිබඳව ආදිවාසී ප්‍රජා නායකයන් හෙළි කළ කරුණු ඌරුවරිගේ වන්නියලැත්තන් සභාව හමුවේ කියා සිටියේය.

පසුගිය අවුරුද්දේ ද මෙවැනිම උත්සවයක් පවත්වා දුන් පොරොන්දු එකක්වත් ඉටු නොවීම ගැන ආදිවාසි නායකයා සිය කණගාටුව පල කළේය.

ආදිවාසී සමරු පවත්වනු වෙනුවට වසරක් පාසා අඩුම වශයෙන් එක ගම්මානයක එක සාර්ථක ව්‍යාපෘතියක් ක්‍රියාත්මක කරන ලෙස යෝජනා කරන ඌරුවරිගේ වන්නියලැත්තෝ එසේ වුවහොත් අවුරුදු හයකින් සියලු ආදිවාසී ගම්මාන දියුණුවක් අත් කරගනු ඇති බවට විශ්වාසය පල කර සිටියෝය.

Facebook Comments

wedding people