ජනපති අපේක්ෂකයා නොවන බවට සංගා ගෙන් සහතිකයක්

0

ඉදිරි ජනාධිපතිවරණයක දී අපේක්ෂයෙකු වීඹට බලාපොරොත්තුවක් නොමැති බව මෙන්ම කිසි දිනක ක්‍රියාකාරී දේශපාලනය සම්බන්ධ නොවන බවට ශ්‍රී ලංකා ක්‍රිකට් කණ්ඩායමේ හිටපු නායකයෙකු වන කුමාර් සංගක්කාර පවසා තිබේ.

2020 ජනාධිපතිවරණයට ඉදිරිපත් වන බවට පැතිරුණු කට කතා අසා තමාගේ අවධානය යොමු වූ බවත් තමා ඉදිරිපත් වන බව අසා විවිධ පුද්ගලයින් තමන්ගේ මතයන් ඉදිරිපත් කළ බව පවසන සංගක්කාර තමා එම සියලු මතයන්ට ගරු කරන බව ද 12 ඉරිදා සිය නිල ෆේස්බුක් පිටුවේ සටහනක් තබමින් ඔහු පවසා ඇත.

“ඇතැම් අය විසින් සුදුසු අපේක්ෂකයෙකු ලෙස උච්චාරණය කර ඇති අතර අනෙක් අය මගේ විශ්වසනීයත්වය හා චරිතය ගැන ප්‍රශ්න කර ඇත. ප්‍රසිද්ධියේ විවිධාකාර වූ විවිධ අදහස් පළ කිරීම අගය කරන අතර, දේශපාලනික කාර්යයක් සඳහා කිසිදු අභිලාෂයක් නොලැබෙන බව තහවුරු කරමින්, සමපේක්ෂන හා කටකතාවක් සමථයකට පත් කිරීමට මම කැමතියි.”

ජනතා සේවය ඉතාමත් වැදගත් වගකීමක් බවත් විශ්වාසයෙන් සිදුකළ යුතු වගකීම් සහිත රාජකාරියක් බවයි සුපිරි ක්‍රිකට් ක්‍රිඩයා පෙන්වා දී ඇත්තේ.

පශ්චාත් ක්‍රිකට් සමය තුල තම පවුල කෙරෙහි වැඩි අවධානයක් යොමු කර ඇති බව පවසන කුමාර් සංගක්කාර එය තමන්ගේ නව ජිවිතය ලෙස හඳුන්වා දී තිබේ.

දේශපාලනයට පැමිණීමට බලාපොරොත්තුවක් නොතිබුණ ද ඉදිරියටත් ප්‍රජාවේ අවාසිදායක තත්ත්වයන්ට මුහුණ දීමට සිදුව ඇති පිරිස් වෙත සිදු කරන සමාජ සේවා කටයුතු අතු නොහරින බව කුමාර් සංගක්කාර සිය සටහනින් අවධාරණය කර ඇත.

Facebook Comments

wedding people