ඇප කොන්දේසි කඩ කිරීමේ චෝදනා යටතේ අන්තර් විශ්ව විද්‍යාල ශිෂ්‍ය බල මණ්ඩලයේ කැඳවුම්කරු ළහිරු වීරසේකර එළැඹෙන 7 දා තෙක් රක්ෂිත බන්ධනාගාර ගත කිරිමට කොළඹ කොටුව මහේස්ත්‍රාත් අධිකරණය අද (26දා) නියෝග කර තිබේ.
උද්ඝෝෂණවලට එක්විය නොහැකි බවට ඇප කොන්දේසියක් ඔහුට පනවා තිබුණත් එය කඩකළැයි පොලීසිය අධිකරණයට කරුණු දැක්වු අතර එම කරුණු සළකා බලමින් කැඳවුම්කරු බන්ධනාගාර ගත කිරීමට නියෝග කළේය.
මාළඹේ පුද්ගලික වෛද්‍ය විද්‍යාලය අහෝසි කරන ලෙස ඉල්ලා පසුගිය 19 වන දා විරෝධතාවයේ නිරත වු සිසුන් 7 දෙනෙකු රිමාන්ඩ් බන්ධනාගාර ගත කිරීමටද කොටුව මහේස්ත්‍රාත්වරයා නියෝග කර තිබුණි.
Facebook Comments
