දිවයින පුරා දැනට අක්‍රමවත් ලෙසින් ක්‍රියාත්මක වන කැස්බෑ සංරක්ෂණ මධ්‍යස්ථාන ක්‍රමවත් අන්දමින් පවත්වාගෙන යෑම සඳහා නීති පද්ධතියක් හඳුන්වා දී ඇති බව රජය පවසයි.
දැනට පවත්වාගෙන යන සියලු ම කැස්බෑ සංරක්ෂණ මධ්‍යස්ථානයන් ලියාපදිංචි කළ යුතු අතර එක් මධ්‍යස්ථානයක රඳවාගත හැකි සත්වයින් ප්‍රමාණය අටකට සිමා කර එසේ සිටිනා යම් සත්වයකු මිය ගිය හොත් ඒ බව අදාළ වනජිවී කාර්යාලයට දැනුම් දිය යුතු වන ලෙස මෙම නව නිතී හඳුන්වා දී ඇත.
මෙම මධ්‍යස්ථායන් මුලින් ම ලියාපදිංචි කළ යුතු අතර ඉන් පසුව ද වසරින් වසර තම බලපත්‍ර නියමිත මුදල් ගෙවා අලුත්කරවා ගත යුතු බවයි රජය පවසන්නේ.
දිනෙන් දින කැස්බෑවන් වඳ වීයාමේ තර්ජනයක් උදාවී ඇති අතර මෙම තත්ත්වය අවමකර ගැනීම සඳහා මෙම නව වැඩපිළිවෙළ ක්‍රියාත්මක කරන බව පෙන්නා දෙන හික්කඩුව වනජිවී කාර්යාලය භාර නිලධාරිවරයා මෙම නව ක්‍රමය යටතේ කැස්බෑවන් ආරක්ෂාකර ගැනීම සඳහා පෞද්ගලික අයගේ සහය ලබා ගැනිම වැදගත් බවද පෙන්වා දෙයි.
මෙම නව නීති පද්ධතිය සඳහා මේ වන විටත් අමාත්‍ය මණ්ඩලයේ අනුමැතිය ලැබි ඇති බවයි හික්කඩුව වනජිවී කාර්යාලය භාර නිලධාරි කසුන් තරංග වැඩිදුරටත් පවසන්නේ.
Facebook Comments
