ආණ්ඩුවේ නිදහස දා උතුරු නැගෙනහිර කළු වෙයි (VIDEO)

0

රටම ආර්ථික අර්බුදයෙන් බැටකමින් සිටියදි මිලියන ගණනක මුදලක් වැයකරමින් ශ්‍රී ලංකාවේ 75 වන ජාතික නිදහස් දිනය උත්සවශ්‍රීයෙන් කොළඹදී සමරද්දී, යුද්ධයෙන් පිඩා විඳි උතුරු නැගෙනහිර දෙමළ ජනතාව “දෙමළ ජාතියේ කළු දිනයක්” ලෙස විරෝධය දක්වා තිබේ.

නිදහස් දිනයට එරෙහිව යාපනය විශ්ව විද්‍යාලයේ මහා ශිෂ්‍ය සංගමය විසින් සංවිධානය කර තිබූ හර්තාලයට කඩ සාප්පු වසා දමා කළු කොඩි ඔසවා යාපනයේ හා මුලතිව් ජනතාව සහාය පළ කරන අයුරු දැකගත හැකි වු බව වාර්තාකරුවෝ පවසති.

උතුරු නැගෙනහිර වෙනුවෙන් ස්වයං පාලනයක් ලබා දීම, අතුරුදහන්වූවන්ගේ ගැටලුවට ස්ථිර විසදුම් ලබා දීම හා දෙමළ ගම්බිම්වල හමුදා වාඩි ලා ගැනීම් නතර කරන ලෙස බලකරමින් යාපනය විශ්ව විද්‍යාලයේ මහා ශිෂ්‍ය සංගමය විසින් දියත් කරන ලද විරෝධතා පා ගමන යාපනය සිට මඩකලපුව දක්වා අද (04) ගමන් ආරම්භ කරන ලදි.

යාපනයෙන් ආරම්භ කරන ලද විරෝධතා පා ගමන 4 වනදා කිලිනොච්චියේ දක්වා ගමන් කර 05 වැනිදා කිලිනොච්චියේ සිට මාන්කුලම දක්වාත්, 06 වැනිදා මාන්කුලම සිට මුලතිව් දක්වාත්, 07 වැනිදා මුලතිව් සිට මඩකලපුව දක්වා ගමන් කරන බවයි මහා ශිෂ්‍ය සංගමය පවසන්නේ.

යාපනයේ සංවිධානය කර තිබූ හර්තාලයට සහය දක්වමින්, පාර්ලිමේන්තු මන්ත්‍රි ගජේන්ද්‍රකුමාර් පොන්නම්බලම් නායකත්වය දරණ දෙමළ ජාතික ජනතා පෙරමුණ විසින් විරෝධතා පෙළපාලියක් මුලතිව් හි දි සංවිධානය කර තිබුනි.

දෙමල ජාතික සන්ධනයේ පාර්ලිමේන්තු මන්ත්‍රී වන එම්.ඒ සුමන්තිරන්ගේ හා රාසමානික්‍යම් ශානක්‍යන් සහභාගීත්වයෙන් මඩකලපුව කල්අඩි පාලම අසල දී විරෝධතාවක් පවත්වා ඇත.

මේ අතර නිදහස් දිනයට එරෙහිව ”කොහේ තියන නිදහසක් ද?”තේමාව කරගිනිමින් මරදාන එල්ෆින්ස්ටන් රඟහල ඉදිරිපිට 03 සඳුදා ආරම්භ කරන ලද සත්‍යග්‍රහයට 04 හිමිදිරි පාන්දර පොලිසිය විසින් අධි පීඩන ජල ප්‍රහාර හා කඳුළු ගෑස් ප්‍රහාර එල්ල කර සත්‍යග්‍රහයේ නිරත වූවන් එම ස්ථානයෙන් පළවා හැරීමට කටයුතු කළේය.

එහිදී සත්‍යග්‍රහයේ නිරත වූවන් 04 දෙනෙකු අත්අඩංගුවට ගත් බවට පොලිසිය පවසයි.

“නිදහස අයිති පාලකයින්ට නොව පුරවැසියන්ටයි” තේමාව යටතේ 75 වන නිදහස් සැමරුමට සමගාමීව, මරදානේ පිහිටි CSR ඉදිරිපිටදී, කතෝලික පූජක ප්‍රජාව නිහඬ විරෝධතාවයක නිරත විය.

 

Facebook Comments

wedding people