ඒකීය ශ්‍රී ලංකාවක් තුළ උපරිම බලය බෙදීමකට සජිත් සුදානම්

0
144
wedding people
Loading...

ඒකීය ශ්‍රී ලංකාවක් තුළ උපරිම බලය බෙදා හැරීමකට එක්සත් ජාතික පක්ෂයේ ජනපති අපේක්ෂකයා විය යුතු බවට බහුතරයකගේ ඉල්ලීම වී ඇති සජිත් ප්‍රේමදාස අමාත්‍යවරයා යාපනයේදී ප්‍රකාශ කර තිබේ.

”එකක් පැහැදිළිව කියන්න ඕනේ. පිටරට ගියහම ධන වෙන, ප්ලස්වෙන, ආපහු ලංකාවට ආවම රින වෙන, නෙගටිව් වෙන දෙබිඩි කතා මම ලඟ නැහැ. ඒකීය ශ්‍රී ලංකාවක් තුළ උපරිම බලය බෙදීමක් ඉෂ්ට සිද්ධ කරලා ඒ වැඩපිළිවෙළ තුළින් දේශපාලන සවිබලගැන්වීම, ආර්ථික සවිබල ගැන්වීම, සමාජීය සවිබලගැන්වීම, මේ හැම දෙයක්ම ඉෂ්ට සිද්ධවෙන ගමනක් අපි යන්නට බලාපොරොත්තු වෙනවා.” යි ඇමැතිවරයා පැවසීය.

නොබෙදුණු නොකැඩුණු ඒකීය ශ්‍රී ලංකාවක් තුළ උපරිම බලය බෙදා හැරීම ලබා දෙන බවට සහතික වු ඇමැතිවරයා මෑත කාලයේ 13 වැනි සංශෝධනය හරහා නිර්මාණය වුණු පළාත් සභා ශක්තිමත් නොකළ බවට චෝදනා කළේය.

2015 දී ජනාධිපතිවරයාට හා අගමැතිවරයාට උතුරෙත් නැගෙනහිරත් ජනතාව පූර්ණ ආශිර්වාදය ලබා දුන්නේ ඒකීය ශ්‍රී ලංකාව තුළ උපරිම බලය බෙදීමට බව යාපනයේ පැවැත්වෙන ‘එන්ටර්ප්‍රයිස් ශ්‍රී ලංකා’ ප්‍රදර්ශනයට එක්වෙමින් ඇමැති සජිත් අවධාරණය කරන ලදී.

“2015 ජනාධිපතිවරණයේ දී වර්තමාන ජනාධිපතිතුමත්, වර්තමාන අග්‍රාමාත්‍යතුමත් ඉදිරිපත් කරපු ස්ථාවරය අදටත් වලංගුයි. ඒ ඉදිරිපත් කරපු ස්ථාවරය තමයි, ඒකිය ශ්‍රී ලංකාව තුළ උපරිම බලය බෙදීම. ඒකීය ශ්‍රී ලංකාව තුළ උපරිම බලය බෙදීමට එදා උතුරෙත් නැගෙනහිරත් ජනතාව පූර්ණ ආශිර්වාදය ලබාදුන්නා. එදත් ඒදේ වලංගුයි. අදටත් ඒ දේ තමයි වලංගු.” යනුවෙන් ඇමැතිවරයා වැඩි දුරටත් කියා සිටියේය.

රට තුළ සාමය, සමෘද්ධිය, සෞභාග්‍ය, එකමුතුභාවය, මිත්‍රශීලීත්වය, සහෝදරත්වය, සංහිඳියාව ඒ සියල්ලක්ම ක්‍රියාත්මක වන ආකාරයට හැම ජන කොට්ඨාසයකගේම විශ්වාසය දිනාගත හැකි බවටද අමාත්‍ය සජිත් ප්‍රේමදාස විශ්වාසය පළ කළේය.

Facebook Comments

Loading...