FCID ෆයිල් තොගයක් නීතිපති ලඟ හිරවෙලා

0

මූල්‍ය අපරාධ කොට්ඨාසය මඟින් පරීක්ෂණයට භාජනය කර පරීක්ෂණ අවසන් කර ඉදිරි නීතිමය පියවර ගැනීම සඳහා නීතිපති දෙපාර්තමේන්තුව වෙත ඉදිරිපත් කර ඇති ලිපිගොනු 97 සම්බන්ධ‍යෙන් තවමත් කිසිදු උපදේශයක් ලැබී නොමැති බව පොලිස් ආරංචි මාර්ග පවසයි.

බරපතල වංචා සහ දුෂණ වලට අදාළ ලිපිගොණු කිහිපයක්ද ඒ අතර ඇති අතර එම පරීක්ෂණ වාර්තාවලට නීතිපති උපදෙස් ලැබී තිබුණේ නම් ඒවා සම්බන්ධ ඉදිරි පියවර ගෙන අවසන් කිරීමට ඉඩ තිබූ බවයි එම ආරංචි මාර්ග කියා සිටින්නේ.

මුදල් විශුද්ධිකරණයට අදාළ පරීක්ෂණ සිදු කිරීමේ බලය අල්ලස් හෝ දූෂණ විමර්ශන කොමිසමට නොමැති නිසා එම කොමිසමට ලැබී තිබූ එවැනි පැමිණිලි මූල්‍ය අපරාධ කොට්ඨාසය වෙත ලබා දී තිබුණි දැනට නීතිපතිවරයා වෙත ඉදිරිපත් කර ඇති පරීක්ෂණ වාර්තා අතර එම පැමිණිලිවලට අදාළව පරීක්ෂණ සිදු කර අවසන් කළ පරීක්ෂණ වාර්තා ගණනාවක් ද වෙයි.

මුල්‍ය අපරාධ කො‍ට්ඨාසයට මහා පරිමාණ මූල්‍ය වංචා වලට අදාළ පැමිණිලි පන්සියයකට වැඩි ප්‍රමාණයක් ලැබි තිබූ අතර, ඒ අතරින් තුන්සියයක් පමණ සම්බන්ධයෙන් පරීක්ෂණ සිදු කර තිබේ.

එම පැමිණිලි අතර විවිධ පුද්ගලයන්ගේ වත්කම්වලට අදාළව ලැබී තිබූ පැමිණිලි ආදිය අල්ලස් හෝ දූෂණ විමර්ශන කොමිසම හෝ එම පැමිණිල්ලට අදාළව පරීක්ෂණ සිදුකෙරෙන වෙනත් පරීක්ෂණ ආයතනවලට බාර දී ඇත.

Facebook Comments

wedding people