“සංහිඳියාව හා සහජීවනය පිළිබඳ ජාතික ප්‍රතිපත්තිය” එළිදැක්වීම සහ ජාතික සමඟිය හා සංහිදියා කාර්යාංශය මඟින් නිෂ්පාදනය කරන ලද “තුන්දෙනෙක්” චිත්‍රපටයේ මංගල දර්ශනය අද (27) සවස පැවැත්වේ.
ජනාධිපති මෛත්‍රිපාල සිරිසේනගේ සහ අග්‍රාමාත්‍ය රනිල් වික්‍රමසිංහගේ සහභාගීත්වයෙන් ප.ව. 5.30ට කොළඹ රීගල් සිනමා ශාලවේ දී උත්සවය පැවැත්වීමට සුදානම් කර ඇති බවයි ජාතික සමඟිය හා සංහිඳියා කාර්යාංශය නිවේදනය කරන්නේ.
සංහිඳියාව හා සහජීවනය පිළිබඳ ජාතික ප්‍රතිපත්තිය සම්පාදනය කොට ඇත්තේ, හිටපු ජනාධිපතිනි චන්ද්‍රිකා බණ්ඩාරනයක කුමාරතුංග සභාපතීත්වය දරණ ජාතික සමඟිය හා සංහිඳියා කාර්යාංශයෙන් වන අතර ”තුන්දෙනෙක්” චිත්‍රපටය නිෂ්පාදනය කර ඇත්තේ ද එම කාර්යාංශය විසිනි.
ප්‍රසන්න විතානගේ, විමුක්ති ජයසුන්දර සහ අශෝක හඳගම යන ප්‍රවීණ චිත්‍රපට අධ්‍යක්ෂකවරුන් විසින් ”තුන්දෙනෙක්” චිත්‍රපටය අධ්‍යක්ෂණය කර ඇත.
Facebook Comments
