පොහොට්ටු ජයෙන් “සිංහල දැඩි මතධාරින්” හිස ඔසවලා

0
Ivory Agency Sri Lanka
wedding people

මහින්ද රාජපක්ෂගේ නායකත්වයෙන් යුත් පොදු ජන පෙරමුණ පළාත් පාලන මැතිවරණයෙන් ලද ජයග්‍රහණය සමඟ නැවත වරක් සිංහල දැඩි මතධාරි කණ්ඩායම් හිස ඔසවා ඇති බවට ආණ්ඩු පාක්ෂික පාර්ලිමේන්තු මන්ත්‍රී මුජිබර් රහුමාන් චෝදනා කරයි.

අම්පාරේ සිදු කරන ලද මුස්ලිම් විරෝධි ප්‍රහාරය එහි ප්‍රතිඵලයක් බව පෙන්වා දෙන මන්ත්‍රීවරයා එය යම් කුමන්ත්‍රණකාරි ක්‍රියාවක් බවට සිලෝන් ජර්නල්ස් හා කියා සිටියේ.

“ජන්ද ප්‍රතිඵලේ එක්ක එක්ස්ට්‍ර්ම් අය අයේ ඔලුව උස්සලා. ආණ්ඩුව මේක නවත්තන්න වහාම ක්‍රියා මාර්ග ගන්න ඕනෙ. අගමැතිවරයා නීතිය හා සාමය අමාත්‍යංශය බාර අරන් දවස් දෙකෙන් මෙහෙම දෙයක් වුනේ මේක යම් ක්‍රමන්ත්‍රණකාරි වැඩක් ” යැයි මන්ත්‍රිවරයා සඳහන් කළේය.

පොලිසියටත් චෝදනා

සිද්ධිය සිදු වු ස්ථානයේ සි‍ට පොලිස් ස්ථානය ඇත්තේ මීටර් 300 පමණ දුරක් බව කී මන්ත්‍රීවරයා ප්‍රහාරය පාලනය කිරීමට පොලිසිය පියවර නොගැනීම සම්බන්ධව දොස් පවරන ලදී.

ප්‍රහාරය සම්බන්ධව මෙතෙක් කිසිවෙකුත් අත්අඩංගුවට නොගත් බව මෙන්ම විමර්ශන කටයුතු සිදුවෙමින් පවතින බවයි අම්පාර පොලිස් ස්ථානාධිපතිවරයා සිලෝන් ජර්නල්ස් හා කියා සිටියේ.

වඳ බෙහෙත්

ආහාර ගැනීම සඳහා සිංහල තරුණයක් පිරිසක් විසින් 26 සඳුදා මධ්‍යම රාත්‍රියේ අම්පාර නගරයේ පිහිටි මුස්ලිම් වෙළඳ සැලකට ගොස් ඇති අතර එහිදි තමන් ගත් ආහාර වලට වඳ බෙහෙත් දමා ඇති බවට එම තරුණයන් චෝදනා කර ඇත.

දෙපිරිස අතර සිදු වු බහින් බස් වීමකින් පසුව පැමිණි සිංහල තරුණයන් කණ්ඩායමක් විසින් එම වෙළඳ සැලට සහ තවත් මුස්ලිම් වෙළඳ සැල් හතරකටත් අම්පාර ජුම්මා මස්ජිත් මුස්ලිම් දේවස්ථානයටත් පහර දී ඇති බවයි ශ්‍රී ලංකා මුස්ලිම් කවුන්සිලය පවසයි.

Facebook Comments