හිටපු හමුදා ලොක්කන් සමග ජනපති ඒකාධිපතිවාදයකට සැරසෙන බවට චෝදනා (VIDEO)

0
1316
Ivory Agency Sri Lanka
HailHost
wedding people

විශ්‍රාමික හමුදා නිලධාරීන් ආණ්ඩුවේ නිලතල වලට පත් කරගනිමින් ජනාධිපතිවරයා ඒකාධිපතිවාදයක් කරා ගමන් කිරීමට සුදානම් වන බවට ජ්‍යෙෂ්ඨ වාමාංශික නායකයකු චෝදනා කරයි.

තම බලය අඛණ්ඩව පවත්වා ගැනීමේ අරමුණින් ඇතැම් විශ්‍රාමික හමුදා නිලධාරින් ද දරුණු ෆැස්සිට්වාදී පාලනයක් වෙනුවෙන් ඕනෑම නීති විරෝධී ක්‍රියාවකට සුදානම් බවයි නව සම සමාජ පක්ෂයේ නායක මහාචාර්ය වික්‍රමබාහු කරුණාරත්න පවසන්නේ.

“ඒ නිසා ඕනෑම දේකට එහෙයි එහෙයි කියාගෙන නීති හදන්න, නීතිය ගලප්පන්න, නීතිය කොට කරලා දෙන්න, නීතිය කපලා දෙන්න ඕන දෙයකට ලැහැස්ති නිලධාරී පැලැන්තියක් ඉන්නවා.”

පලමු රාජපක්ෂ පාලන සමයේද දේශපාලන අවශ්‍යතාවය මත මිලිටරිකරණය දියත් කිරීම හේතුවෙන් ශ්‍රී ලංකාව ලෝක අපවාදයට ලක්වූ බව මහාචාර්යවරයා සදහන් කළේ ජනාධිපති ගෝඨාභය රාජපක්ෂ විසින් ඔහුගේ අලුත් ආණ්ඩුවේ නිලතල වලට හමුදා නිලධාරීන් පත් කර තිබීම සම්බන්ධයෙන් මාධ්‍ය වෙත අදහස් දක්වමිනි.

ජනාධිපතිවරයා විසින් ආණ්ඩුවේ ඉහලම නිලතල වලට පත්කර තිබෙන හමුදා නිලධාරීන් බොහොමයකගේ යෝග්‍යතාව ප්‍රශ්න කරන වාර්තාවක් පසුගියදා ජාත්‍යන්තරය හමුවේ ද ප්‍රසිද්ධියට පත් කර තිබුනි.

හමුදා නිලධාරීන් රාජපක්ෂවරුන් සමග ලෙන්ගතු බව අවධාරණය කරන වාමාංශික නායකයා වැඩි දුරට සදහන් කළේ තම බලය අඛණ්ඩව පවත්වා ගැනීමේ අරමුණින් ඇතැම් විශ්‍රාමික හමුදා නිලධාරින් ද දරුණු ෆැස්සිට්වාදී පාලනයට සුදු හුණු ගාමින් සිටින බවයි.

Facebook Comments

HailHost