නිර්මාණය කරමින් සිටින ශ්‍රී ලංකාවේ තුන් වැනි ජනරජ ව්‍යවස්ථාව තුළින් තොරතුරු දැන ගැනීමේ අයිතිය තවදුරටත් තහවුරු කරන බව මුදල් හා ජනමාධ්‍ය අමාත්‍යවරයා පවසයි.
වසරකුත් මාස තුනක කාලයක් තුළ ක්රියාත්මක තොරතුරු දැන ගැනීමේ පනත තව දුරටත් ශක්තිමත් කිරීමේ අරමුණින් මෙම පියවර ගන්නා බවයි අමාත්‍ය මංගල සමරවීර පෙන්වා දෙන්නේ.
“මේ වන විට අපි නිර්මාණය කරමින් සිටින ශ්‍රී ලංකාවේ තුන් වැනි ජනරජ ව්‍යවස්ථාව තුළත් තොරතුරු දැනගැනීමේ අයිතියට අපි ප්‍රමුඛත්වය ලබා දීල තියෙනවා. මොකද අපි පිළිඅරන් තියෙනවා ජනතාවට ප‍්‍රජාතන්ත‍්‍රවාදී නිදහස සැබෑ ලෙසම භුක්ති විඳින්න නම් ඔවුන්ට නීතිමය රාමුවක් ඇතුළත රටේ රජය සහ පරිපාලනය ක්රියාත්මක වීමේ තත්වය දියුණු කරන්න ඕනේ බව” යි අමාත්‍යවරයා පවසයි.
පනත ක්රියාත්මක වු කෙටි කාලය තුල පනත ඉතාම සක‍්‍රීය ආකාරයකට ඉදිරියට හැකි වු බවයි අමාත්‍යවරයා කියා සිටියේ 11 සඳුද‍ා අරලියගහ මන්දිරයේ පැවති බස්නාහිර පළාත් තොරතුරු නිලධාරීන්ගේ වැඩමුළුව අමතමිනි.
දහනමවෙනි ආණ්ඩුක‍්‍රම ව්‍යවස්ථා සංශෝධනය හරහා තොරතුරු දැනගැනීමේ අයිතිය මූලික මිනිස් අයිතිවාසිකම් අතරට එක් කල බව සිහි කර දුන් මංගල සමරවීර ඇමැතිවරයා 1978න් පසුව ආණ්ඩුක‍්‍රම ව්‍යවස්ථාවට මුලික අයිතිවාසිකමක් එක් වු පලමු අවස්ථාව එය බවද කියා සිටියේය.
ජනතාවට ප‍්‍රජාතන්ත‍්‍රවාදී නිදහස සැබෑ ලෙසම භුක්ති විඳිමට නම් ඔවුන්ට නීතිමය රාමුවක් තුළ රජය සහ පරිපාලනය ක්රියාත්මක වීමේ තත්වය දියුණු කිරිම අවශ්‍ය බව මුදල් හා ජනමාධ්‍ය අමාත්‍ය මංගල සමරවීර වැඩි දුරටත් පෙන්වා දුනි.
Facebook Comments
