ජාතික නිදහස් පෙරමුණේ නියෝජ්‍ය නායක වීරකුමාර දිසානායක, ජාතික සංවිධායක පියසිරි විජේනායක මෙන්ම උතුරු මැද පළාත් සභා මන්ත්‍රී පී.බී. කුමාර ශ්‍රී ලංකා නිදහස් පක්ෂ සාමාජිකත්වය ලබා ගෙන තිබේ.
මෙම සාමාජිකයන් තිදෙනා 11 සඳුදා ජනාධිපති මෛත්‍රීපාල සිරිසේන හමුවී පක්ෂ සාමාජිකත්වය ලබා ගත් බව ජනාධිපති මාධ්‍ය ඒකකය පවසයි.
ජනාධිපතිවරයා රට ගොඩනැගීමට ගෙන යන වැඩපිළිවෙළට සහය පළ කරමින් ශ්‍රී ලංකා නිදහස් පක්ෂය සමඟ එක්වූ බව පවසන ඔවුන් ඉදිරි පළාත් පාලන මැතිවරණයේදී ශ්‍රී ලංකා නිදහස් පක්ෂයේ ජයග්‍රහණය වෙනුවෙන් උපරිම සහයෝගය ලබාදෙන බවයි පක්ෂ සාමාජිකත්වය ලබා ගැනීමෙන් අනතුරුව මාධ්‍ය වෙත ප්‍රකාශ කළේ.
ජනාධිපති මෛත්‍රීපාල සිරිසේන සහ හිටපු ජනපති මහින්ද රාජපක්ෂගේ පාර්ශව එක් කිරීමට මෙම පිරිස ප්‍රබල උත්සාහයක් දැරු අත එය ව්‍යර්ථ වීම හේතුවෙන් මෙසේ ශ්‍රී ලංකා නිදහස් පක්ෂයට එක් වු බවයි දේශපාලන ආරංචි මාර්ග පවසන්නේ.
මේ අතර ජාතික නිදහස් පෙරමුණේ හිටපු නියෝජ්‍ය නායක වීරකුමාර දිසානායක හට ඉිදිරියේදී නියෝජ්‍ය අමාත්‍ය ධුරයක් හිමි වනු ඇති බවට ජනාධිපති ලේකම් මාර්ග ආරංචි මාර්ග කියා සිටි.
Facebook Comments
