මංගල පින්සිරි සමරවීර අමාත්‍යවරයා විසින් ජීවිතයේ මුල්ම වතාවට ඉදිරිපත් කල අයවැය යෝජනාව වැඩි ජන්ද 99 කින් සම්මත විය.
මුදල් අමත්‍යවරයා 2018 වසර සඳහා ඉදිරිපත් කරන ලද අය වැය යෝජනාවට පක්ෂව ජන්ද 155 ලැබුණු අතර විපක්ෂව ජන්ද 56 ලැබී තිබුණි.
මෙවර අයවැය හරහා බදු ප්‍රතිපත්ති කිහිපයක් හඳුන්වා දුන් අතර රටේ ඉදිරි ගමනට දැක්මක් සහිත අයවැයක් ලෙස එය ආර්ථික විශේෂඥයින්ගේ ඇගයීමට ලක් විය.
මංගල ඇමැතිවරයාගේ අයවැය යෝජනාවට එක්සත් ජාතීන්ගේ ප්‍රසාදය හිමි වු අතර “ව්‍යවසායකයන්ට ප්‍රමුඛත්වය හිමිවන බලගතු නීල හරිත අයවැයක් ශ්‍රී ලංකාවේ පාර්ලිමේන්තුවට ” යන්න අයවැය පාර්ලිමේන්තුවට ඉදිරිපත් කල දිනයේ එක්සත් ජාතීන්ගේ සංවිධානයේ ශ්‍රී ලංකාවේ නියෝජිත ඌනා මැකෝලේ සිය ට්විටර් ගිණුමේ සටහනක් තබා තිබුණි.
මුදල් අමාත්‍ය මංගල සමරවීර ”නීල හරිත අයවැය-එන්ටර්ප්‍රයිස් ශ්‍රී ලංකා ” ලෙස නම් කර 2018 වසර සඳහා ඉදිරිපත් කරන ලද අයවැය අඩුම සංශෝධනයට ලක් වු අයවැයක් ලෙස ඉතිහාස ගත වනු ඇත.
Facebook Comments
