ශ්‍රී ලංකා නිදහස් පක්ෂය සහ ඒකාබද්ධ විපක්ෂ සන්ධාන ගතවීමට සිදු කරන සාකච්ඡා සම්බන්ධයෙන් මෙරට බටහිර තානාපති කාර්යාල කිහිපයක් සිය දැඩි අවධානය යොමු කර තිබේ.
යහපාලන රජය 2020 වනතෙක් පවත්වා ගෙන යාමට රජයට බල කිරිමට තානාපති කාර්යාල කිහිපයක්ම මේ වන විට පියවර ගෙන ඇති බවට තානාපති කාර්යාල ආරංචි මාර්ග පවසයි.
මෛත්‍රී මහින්ද පාර්ශවය හවුල් වුවහොත් රට නැවතත් අඳුරු යුගයකට ඇඳි යන බව සහ ආර්ථික අගාධයකට ඇඳ වැටෙන බවට විශ්වසය පල කරන තානාපති කාර්යාල කිහිපයක් යහපාලන රජය බිඳ වැටුනහොත් සිය සහාය එක්සත් ජාතික පක්ෂයට ලබා දීමට මේ වන විටත් තීරණය කර තිබේ.
එම පාර්ශව එකතුවීම හරහා නව ව්‍යවස්ථා ක්‍රියාවලිය සහ ජාතික ප්‍රශ්නයට විසඳුමක් ලබා දීම අවධානමක හෙලීම ජාත්‍යන්තරයේ දැඩි අවධානයට යොමුව ඇත.
මේ අතර මෛත්‍රී කණ්ඩායම සහ මහින්ද පාර්ශවය සන්ධාන ගත වුවහොත් GSP+ බදු සහනය යළි නොලැබී යාමේ දැඩි අවධානමක් පවතින බව යුරෝප සංගමයේ ශ්‍රී ලංකා කාර්යාල ආරංචි මාර්ග පවසයි.
Facebook Comments
