ජාතිවාදය වපුරන බෞද්ධ භික්ෂුන් නැවත මෙරටේ ජාති බේදයක් ඇති කරන්නට උත්සාහ දරන විට ඒවා හට ප්‍රචාරය ලබා දෙන පුවත්පත් මාධ්‍ය ඇමැතිවරයාගේ දැඩි දෝෂ දර්ශණයට ලක්ව තිබේ.
“මුළු ලංකාවෙන්ම ජන්ද දෙදාහක්වත් ජන්දයකදි ගන්න බැරි වෙච්ච ජාතිවාදය වපුරන චීවරධාරින් ගිහිල්ල යළි වතාවක් මේ රටේ මහා ලේ ගංගාවක් ඇති කරන්නට කටයුතු කරනකොට උත්සාහ කරනකොට ඒවට බෝල අකුරින් හෙඩ් ලයින් දෙන්නේ මේ පුවත්පත්” යැයි මංගල සමරවීර ඇමැතිවරයා පවසයි.
රාජපක්ෂ පාලනය අවසන් කර යහපාලනය බිහි කිරිමෙන් පසු ප්‍රතිගාමී බලවේගයන් යලි වතාවක් එම ගමන ආපසු හැරවීමට දරන ප්‍රයත්නයේ පෙර ගමන්කරුවන් වී ඇත්තේ ඇතැම් ප්‍රධන පෙළේ පුවත් පත් බව ඇමැතිවරයා කියා සිටියේ 05 අඟහරුවාදා “මාධ්‍යයේ දේශපාලනය“ මැයෙන් ශ්‍රී ලංකා වෘත්තිය ජනමාධ්‍යවේදීන්ගේ සංගමය විසින් සංවිධානය කරන ලද ප්‍රසිද්ධ දේශනයක් අමතමිනි.
ජාතිවාදය වපුරන භික්ෂුන් “චීවරධාරින්” ලෙස හැඳින්වු ඇමැති මංගල එවැනි චීවරධාරින් “ජාතික වීරයන්” කිරීමට ඇතැම් ජනමාධ්‍යවේදීන් දරන උත්සාහය පිළිකුලෙන් යුුතුව හෙළා දකින ලදී.
ජනමාධ්‍යවේදීන් එවන්න තත්ත්වයකට පත් වුයේ ඇයි දැයි යන්න විමසීමට මාධ්‍ය තුළින්ම සංවාදයක් ඇති කර ගත යුතු බවයි ඇමැතිවරයා පෙන්වා දෙන්නේ.
රාජ්‍ය මාධ්‍ය
රජයේ ජනමාධ්‍ය පෞද්ගලික ජනමාධ්‍යට වඩා සාධාරණව අද ප්‍රවෘත්ති ලබාදෙන බව කී ඇමැති මංගල සමරවීර “අපි කියල තියෙනව ගැහුවොත් පොඩ්ඩක් ගහන්න කියල. අපටත් මොකක් හරි කියන්න අයිතියක් තියෙනවනෙ” යැයි කියා සිටියේය.
එනමුත් රාජපක්ෂ පාලන සමයේ මෙන් රාජ්‍ය මාධ්‍ය භාවිතා කරමින් විරුද්ධ දේශපාලකයන්ට සහ ඥාතීන්ට අනවශ්‍ය අන්දමින් පහර ගැසීමට ඉඩ නොදෙන බව සිහිකල ඇමැතිවරයා “එදා වගේ අපේ විරුද්ධවාදීන්ගේ අම්මල තාත්තල මතක් කරල බනින්නෙ නෑ. ඒකාලෙ ගුවන්විදුලි සංස්ථාවේ හිටිය මහත්තයෙක් එයා මගෙ අම්ම මතක් කරල තියෙනවා සිය වතාවකට වඩා, මට පොන්නයා කියල තියෙනව දෙසිය වතාවකට වඩා පොන්නයෝ කවුද කියල අහන් ඉන්න මිනිස්සු දන්නවා” යි වැඩි දුරටත් ප්‍රකාශ කළේය.
Facebook Comments
