පොතක් ලියා පල කළ ලෝකයේ ළාබාලතම ලේඛකයා ලෙස ගිනස් පොතට එක් වීමට ශ්‍රී ලංකික දරුවෙකු සමත් වී තිබේ.
සිය දෙමව්පියන් සමඟ සීෂෙල්ස් හි පදිංචි තනුවක සේරසිංහ “Junk Food” නැමති ඉංග්‍රීසි ග්‍රන්ථය රචනා කරමින් මෙසේ ගිනස් වාර්තාවක් තබා ඇත.
ඔහු මෙම පොත රචනා කරන විට වයස අවුරුදු 04 යි දින 356 ක් වු අතර මෙම ග්‍රන්ථය රචනා කිරීමට ඔහුට ගතව ඇත්තේ දින 03 ක කාලයක් වීමද විශේෂත්වයකි.
ගිනස් පොතට එක් වු තනුවක සේරසිංහ දරුවා 05 සිකුරාදා ජනාධිපති මෛත්‍රීපාල සිරිසේන හමු වී ඇති අතර එහිදි ඔහුට තිළිණයක් ද පිළිගැන්වූ ජනාධිපතිවරයා දරුවාගේ ඉදිරි අධ්‍යාපන කටයුතු වෙනුවෙන් ආශිර්වාදය පළ කර තිබේ.
සීෂෙල්ස්හි ශ්‍රී ලංකා තානාපති ටිකිරි හේරත් ගුණතිලක සහ දරුවාගේ දෙමව්පියන් වන තුසිත සේරසිංහ, අප්සරා සේරසිංහ යන අයවුල්න් ද මෙම අවස්ථාවට එක්ව සිටි බව ජනාධිපති මාධ්‍ය ඒකකය පවසයි.
Facebook Comments
