“අප පාලනය කරනු ලබන්නේ අපේ කැමැත්තෙන් තොරවයි” – සම්බන්ධන්

0
340
Ivory Agency Sri Lanka
wedding people
Loading...

දෙමළ ජනතාව ගේ කැමැත්තකින් තොරව ඔවුන් පාලනය කෙරෙන බවට කනස්සල්ල පල කරන දෙමළ ජාතික සන්ධාන නායකයා අව්‍යාජ බලය බෙදීමක අවශ්‍යතාව ජාත්‍යන්තර රාජ්‍ය තාන්ත්‍රික දේශපාලන පිළිබඳ විශේෂඥයකු හමුවේ අවධාරණය කර තිබේ.

නිවැරදි ආකාරයෙන් කටයුතු කිරීමට සිංහල නායකයන් මැලි වීම නිසා තමන් රවටනු ලබන බව දෙමළ ජනතාවට හැඟී ගොස් ඇතැයි එක්සත් ජාතීන්ගේ සංවිධානයේ දේශපාලන කටයුතුපිළිබඳ නියෝජ්‍ය මහලේකම් ජෙෆ්රි ෆෙල්ට්මන් සමග කරන ලද සාකච්ඡාවක දී අවධාරණය කරන ලදැ’යිදෙමළ ජාතික සන්ධානය නිකුත්කළ මාධ්‍ය නිවේදනයක දැක්වේ.

“අප සොයන්නේ එක්සත්, නොබෙදුනු හා නොබෙදිය හැකි ශ්‍රී ලංකාවක් තුල අව්‍යාජ බලය බෙදීමකටයි. අපිඅපේම ඉතිහාසයක් හා උරුමයක් සහිත සුවිශේෂී ජනතාවක්. අපි ඉල්ලා සිටින්නේ අපේ මූලික අයිතිවාසිකම් විනා වෙන කිසිවක් නොවේ. මේ රටේ අප පාලනය කරනු ලබන්නේ අපේ කැමැත්තක්හෝ අනුමැතියකින් තොරවයි.”

“අතුරුදහන් වූ තැනැත්තන් පිළිබඳ කාර්යාලය, හානිපූරණකාර්යාලය සහ සත්‍ය හා සංහිඳියාව කොමිසම අපේ ජනතාව අතර සක්‍රිය ලෙස වැඩකටයුතු කළයුතු අතර සත්‍යය සොයා ගැනීම සඳහා අපේ ජනතාව සමග නිරන්තර සම්බන්ධයක් පවත්වාගෙන යා යුතුය.” යි ආර් සම්බන්ධන් පවසා ඇත.

ඇතැම් දේශපාලකයන් විසින් ඒත්තුගන්වන්නට වීරිය දරන ආකාරයෙන් මෙය “සිංහල දෙමළ ප්‍රශ්නයක්” නොවන බව පෙන්වා දෙන නායකයා එය මූලික මානව හිමිකම් පිලිබඳ ප්‍රශ්නයක් බව අවධාරණය කර තිබේ.

දේශපාලනික වශයෙන් මහජන අප්‍රසාදයට ලක්වෙතැයි බියෙන් අලුත් ව්‍යවස්ථාව ගෙන ඒම සඳහා කැපවීමක් හෝ දේශපාලන අභිලාෂයක් හෝ නායකයන් තුල නැති බවට ආර් සම්බන්ධන් මන්ත්‍රීවරයා වැඩිදුරටත් චෝදනා කර ඇත.

Facebook Comments

Loading...