ග්‍රාමීය කාන්තාවන් ලබාගෙන ඇති කුඩා ණය කපාහැරීම සඳහා කටයුතු කරමින් සිටින බවට අගමැතිවරයා ප්‍රකාශ කර තිබේ.
ගමේ ආර්ථීකය ශක්තිමත් කරමින් වෙහෙර විහාර සංවර්ධනයට විශේෂ වැඩසටහන් රැසක් ක්‍රියාත්මක කරන බවට අගමැති රනිල් වික්‍රමසිංහ කැකිරාව ඇලගමුව ශ්‍රී දේවතිස්ස විහාරස්ථානයේ පැවති උත්සවයක දී සහතික වී ඇත.
“කුඩා ණයගත්ත කාන්තාවන්ගේ එම ණය අවලංගු කරන්න අපි ක්‍රියාකරගෙන යනවා. හැම අතින්ම ණය බර අඩු කරලා අතේ තියෙන මුදල් ප්‍රමාණය වැඩි කරලා ගම දියුණු කරන්නයි අපි මේ වැඩසටහන් ඉදිරියට ගෙනියන්නේ.”
ගම්පෙරළිය යනු ගමට මුදල් ගෙන එන වැඩසටහනක් බව පෙන්වා දී ඇති අගමැතිවරයා ඉන් සෑම මැතිවරණ කොට්ඨාසයකටම රුපියල් මිලියන 300ක් වෙන් කර ඇති බව මෙන්ම එම මුදලින් මිලියන 200ක් මේ වන විටත් ලබා දී ඇති බව පැවසීය.
“ගමට මිලියන දෙතුන් සියයක් වියදම් කළාම කාටද ඒ මුදල් හම්බ වෙන්නේ? මේ ප්‍රදේශයේ ඉන්න අයට. අවුරුදු දෙකක්තුනක් ගමේ අය නියඟය නිසා පසුබෑවා. දැන් එතැනින්න ගොඩ එන්න අත දෙන වැඩසටහන් අපි ක්‍රියාත්මක කරලා තියෙන්නේ. මේ වගේ වැඩසටහන් ගණනාවකින් අපි මුදල් දෙනවා. ”
ගමේ ව්‍යාපරිකයන් හට එන්ටර්ප්‍රයිස් ශ්‍රී ලංකා වැඩසටහන යටතේ ලබා දෙන බවත් මේ ආකාරයේ හැම වැඩසටහනකම අරමුණ ගමේ තියෙන මුදල් ප්‍රමාණය වැඩි කිරීම බව ද ඇගමැති රනිල් වික්‍රමසිංහ වැඩි දුරටත් සඳහන් කළේය.
Facebook Comments
