“කෑම වේලක් වෙනුවට බිලී පිත්තක් දෙනවා” – මුදල් ඇමැති

0

වත්මන් රජය ජනතාවට නොමිලේ සියලු දේ ලබා දෙනවා වෙනුවට ජනයාට නැගී සිටීමට අවශ්‍ය අතහිත ලබා දීමට කටයුතු කරන බවට මුදල් අමාත්‍යවරයා ප්‍රකාශ කර තිබේ.

එදා වචනයට පමණක් සීමා වු සුබ අනාගතය අද වන විට සැබෑ ලෙසම ජනතාවට උදා වී ඇති 17 ඉරිදා මාතර ප්‍රාදේශීය ලේකම් කාර්යලයීය ශ්‍රවණාගාරයේ පැවති උත්සවයක දී මංගල සමරවීර ඇමැතිවරයා කියා සිටියේය.

“අපි රජයක් විදියට ඔබට නිකං මොකුත් ම දෙන්නෙ නෑ. අපි දෙන්නේ නැගිටින්නට අවශ්‍ය අතහිත විතරයි. කෑම වේලක් දෙනවට වඩා කෙනෙකුට මාළුවෙක් අල්ල ගන්න බිලී පිත්තක් දෙන්න කියල කියමනක් තියෙනවා. සංවේදී රජයක් විදියට අපි ක්‍රියාත්මක කරන්නෙත් ඒ ආකාරයටයි. එදා සුබ අනාගතය කියන වචනය අහන්න ලැබුණ. අද තමයි සැබෑ ලෙසම ජනතාවට සුබ අනාගතය උදා වෙලා තියෙන්නෙ.”

සීමා නෑ

ලෝකයේ ප්‍රථම අගමැතිනිය බිහි කිරීමේ ගෞරවය ශ්‍රී ලංකාවට හිමි වුවද තවමත් රට තුල කාන්තාවන්ට ලබා දී ඇති බවට චෝදනා කරන ඇමැතිවරයා තව දුරටත් වෘත්තීන් සම්බන්ධයෙන් කාන්තාවන්ට සීමා පැනවිය නොහැකි බවද පෙන්වා දුන්නේය.

“මම ගෙවුනු වසර 30 විවිධ අවස්ථාවල මේ ශ්‍රවණාගාරයට ඇවිල්ල කාන්තාවන්ට විවිධ දේවල් බෙදල දීල තියෙනවා. මහන මැෂින්, ගෘහ උපකරණ ඔවුන්ට බෙදල දෙනවා. ඒකෙන් කියන්නෙ තමුන් ඉන්න ඕනෙ කුස්සියේ කියන දේ තමයි. නමුත් අපි දන්නවා සමහර රටවල පොලිස්පතිනියො ඉන්නවා. ඒ නිසා ඉතාම පැහැදිලියි තව දුරටත් වෘත්තීන් සම්බන්ධයෙන් අපට කාන්තාවන්ට සීමාවන් පනවන්න හැකියාවක් නැති බව.”

කාන්තා කටයුතු අමාත්‍යාංශය, මාර්ග ආරක්ෂාව පිළිබඳ ජාතක අධිකාරිය සහ ඩේවිඩ් පීරිස් සමාගම එක්ව සංවිධානය කළ කාර්මික පුහුණුව තුළින් කාන්තාවන් සවිබල ගැන්වීමේ වැඩසටහන යටතේ පුහුණුව නිම කළ කාන්තාවන්ට සහතික පත් ප්‍රදානෝත්සවය මෙහිදී සිදු විය.

අගෝස්තු මාසයේ මොණරාගල දී පැවැති එන්ටප්‍රයිස් ශ්‍රී ලංකා ප්‍රදර්ශනයේ දී පුහුණුව සඳහා ලියාපදිංචි ව සාර්ථකව පාඨමාලාව නිම කළ කාන්තාවන් පිරිසක් ඇතුළු 64 දෙනෙකු මෙහි දී සහතික පත් ලබා ගත්හ.

මෙම වැඩසටහන යටතේ මීට පෙර අනුරාධපුර, කිලිනොච්චිය ඇතුළු දිස්ත්‍රික්ක 6ක කාන්තාවන් 108 දෙනෙකු සාර්ථකව පුහුණුව අවසන් කර ඇති අතර ඔවුන්ගෙන් බහුතරයක් මේ වන විට ත්‍රිරෝද රථ අලුත්වැඩියා කිරීම ආශ්‍රිත රැකියාවල නිරතව සිටින බව මුදල් අමාත්‍යංශය පවසයි.

Facebook Comments