යෝජිත නව ව්යවස්ථාව සම්බන්ධව දරනු ලබන ස්ථාවරය සම්බන්ධව ඒකබද්ධව විපක්ෂය නියෝජනය කරන කණ්ඩායම් අතර මත ගැටුම් ඇති වී තිබේ.
ඒකාබද්ධ විපක්ෂයේ පාර්ලිමේන්තු කණ්ඩායම් නායක දිනේෂ් ගුණවර්ධන මන්ත්රීවරයා නව ව්යවස්ථාව සම්බන්ධ මෙහෙයුම් කමිටුවට සක්රීය දායකත්ව ලබාදෙමින් නව ව්යවස්ථාවේ කටයුතු වලට සහය දීමත් යෝජිත ව්යවස්ථාවට විරුද්ධව විමල් වීරවංශ ඇතුළු කණ්ඩායම කටයුතු කිරීමත් නිසා මෙසේ ගැටුම් ඇතිවි ඇති බවයි වාර්තා වන්නේ.
ව්යවස්ථාව සම්බන්ධ ජනමත විචාරණයකදී එය පරාජය කල යුතු බවට විමල් වීරවංශගේ කණ්ඩායම ඒකාබද්ධ විපක්ෂයට බල කරමින් සිටින බවයි දේශපාලන ආරංචි මාර්ග පවසන්නේ.
මීට පෙරද බන්දුල ගුණවර්ධන,නාමල් රාජපක්ෂ සහ වසුදේව නානායක්කාර යන මන්ත්රීවරුන් ව්යවස්ථාව සම්බන්ධව අනු කමිටුවලට සහභාගී වෙමින් සක්රීය දායකත්වය ලබා දී තිබේ.
කෙසේ වෙතත් මෙම ගැටුමේදී ද මහින්ද රාජපක්ෂ මන්ත්රීවරයා සුපුරුදු පරිදි කිසිඳු මතයක් ඉදිරිපත් නොකර නිහඬව සිටින බවයි වැඩිදුරටත් වාර්තා වන්නේ.