යොවුන් දැල් පන්දු කණ්ඩාම දකුණු කොරියාවට

දස වන දකුණු ආසියානු යොවුන් දැල් පන්දු තරඟාවලිය සඳහා ශ්‍රී ලංකා දැල් පන්දු කණ්ඩායම හෙට (30) දකුණු කොරියාව බලා පිටත්ව යාමට නියමිතය.

මෙවර නදී මදුෂිකා ප්‍රනාන්දු කණ්ඩායමේ නායකත්වය හොබවන අතර උප නායකත්වය දරන්නේ හෂිනි පෙරේරා වන අතර ශ්‍රී ලංකා කණ්ඩායමේ පුහුණුකාරිනිය ලෙස තමරා ලියනගේ කටයුතු කරයි.

පසුගිය වසරේ ශ්‍රී ලංකා යොවුන් දැල්පන්දු කණ්ඩායම ශූරතාව දිනා ගනු ලැබු අතර මෙවර කණ්ඩායමට පාසල් මට්ටමේ මෙන්ම ජාත්‍යන්තර මට්ටමේ ජයග්‍රහණ රැසක් ලබා ඇති දක්ෂතා සහිත ක්‍රීඩිකාවන් ඇතුලත්ය.

මින් පෙර අවස්ථා 2 කදී ශ්‍රී ලංකා යොවුන් දැල්පන්දු කණ්ඩායම ශූරතාවය දිනා ඇති අතර අවස්ථා 4 කදී අනුශූරතාවය දිනා තිබේ.