සාමයේ පාප්තුමන් සාමය ගැන කතාබහ කරන්නට ඊජිප්තුවට

ඉතාලිය හා ඊජිප්තුව මධ්‍යධරණී කලාපයේ පිහිටි බලවත් රාජ්‍යයක් දෙකක් වන අතර ශතවර්ෂයකට අධික කාලයක් තිස්සේ මේ රටවල් යුධ වැදුණි. අසිසියේ ෆ්‍රැන්සිස් නම් වූ දුප්පත් කතෝලික පූජකවරයකු 1210 දී ඊජිප්තුවේ සුල්තාන්වරයා වූ Malik al-Kamil ව හමුවීමට ගිය බව ඉතිහාස මූලාශ්‍ර වල සඳහන්ය. ලතින් ඇමරිකානු පල්ලිය මේ ශුද්ධ වූ භූමිය ඉස්ලාම් දහමින් නිදහස් කරගැනීමට උත්සහ කළේය.

එක් සමයකදී පස්වන කුරුස යුද්ධය දෙපසට වැනි වැනී පැවති අතර මෙකල අසිසියේ ෆ්‍රැන්සිස්තුමන් නැත්නම් එකල පාප්තුමා ක්‍රිස්තියානි ධර්මයේ එන සුවිශේෂී චරිතයක් වන පාප්ධූරයට පසුකාලයේදී පත්විය. නැගෙනහිර මධ්‍යධරණී කලාපයේ නැගී එන ප්‍රචණ්ඩත්වය නැවැත්වීමට සුල්තාන් හමුවී සාකච්ඡා කිරීම පෙර කී පාප්තුමන්ගේ අදිටන විය.

ඉතිහාසඥයන් පැවසුවේ මුස්ලිම් පාලකයා හා ක්‍රිස්තියානි නායකයා අතර Damietta හිදී පැවති හමුව අතිශය සුහදව පැවති බවයි. මේ පුද්ගලයන් දෙදෙනාම සිය දහම තුළ උගන්වන සාමය හා සංහිඳියාව පැවතීමේ අවශ්‍යතාවය පිළිබඳ සාකච්ඡා කළ බවත් සඳහන්ය. නමුත්, ෆ්‍රැන්සිස් පාප්තුමන් හට ඉන්පසු පැමිණෙන යුද්ධයන් නැවැත්වීමට එකල නොහැකි විය. මධ්‍යධරණී කලාපයේ සුවිශේෂී ප්‍රතිමාශිල්ප කලාව හා චිත්‍ර ස්ථාපිත වීමේ ප්‍රථම ප්‍රතිෂ්ඨාව බිහිවුණේ මේ හමුවේ ප්‍රතිඵලයක් ලෙසිනි. මතවාදී හා ඉගැන්වීම් සීමා වලින් ඉවතට ගොස් මුහුදු තරණය කර ෆ්‍රැන්සිස් පළමු ‘අනෙකාව‘ හමුවන්නට යන්නේ ඔහුගේ අදහස් හා විශ්වාස පිළිබඳ දැනගැනීමේ දැඩි උනන්දුවකින් යුතුවය.

රෝමානු කතෝලික පල්ලිය නියෝජනය කරන තවත් ෆ්‍රැන්සිස් කෙනෙකු ඊට ශතවර්ෂ 8 කට පසු කයිරෝ නුවර පැය 24 ක සංචාරයක් සිදුකිරීමට නියමිතය. ජෝර්ජ් බර්ගෝග්ලියෝ පාප්තුමන් අසිසියේ පූජකතුමන්ගෙන් පසුව ඊජිප්තුවට වන මීළඟ කතෝලික නායකයා වේ. ‘සාමයේ පාප්තුමන් සාමය ගැන කතාබහ කරන්නට ඊජිප්තුවට‘ යන්න මේ ගමනේ තේමාව බවට පත්වී ඇත.

‘මේ තේමාව සිය සංචාරය ද්‍රෘෂ්ඨාන්ත කිරීමට ෆ්‍රැන්සිස් පාප්තුමන් තෝරාගෙන තිබෙනවා. සාමය හා පෙරදිග හා බටහිර අතර නිවැරදි කතිතාවක් ඇතිවීම අනිවාර්යයෙන්ම වසර 800 කට පෙර අසිසියේ ෆ්‍රැන්සිස්තුමන්ගේ දිනයට පසු අත සත්‍යයක් වී තිබෙනවා‘ යැයි Orazio la Rocca පැවසුවේය. ඔහු වතිකානුවේ නිළ නිවේදන නිකුත් කරන ලේඛකයකු හා ජ්‍යෙෂ්ඨ විශ්ලේෂකයකුය.

‘ආගමේ නාමයෙන් ප්‍රචණ්ඩත්වය සිදුවීම අද දිනයේ පවතින දැවැන්තම අර්බුදයයි. මුස්ලිම් හා ක්‍රිස්තියානි ආගමික නායකයින් කයිරෝ නුවරට පැමිණෙනවා යන්නෙන් අදහස් වන්නේ යුද්ධය හා ත්‍රස්තවාදය පෝෂණය කිරීමට කිසිවෙකුට යුක්තිසහගත බවක් නැති බවයි‘

පාප්තුමන් අද (28) දිනයේදී සිදුකරන මේ සංචාරයේදී සුන්නි මුස්ලිම් ලෝකයේ ශ්‍රේෂ්ඨතම ස්ථානය වන Al Azhar සරසවියේ Grand Mufti වන Sheikh Muhammad Ahmed al-Tayeb හමුවීමට නියමිතය. පාප්තුමන්ගේ මේ හමුවේදී දෙවැනි Tawadros පාප්තුමන් හා ඊජිප්තු ජනාධිපති Abdel Fattah el-Sisi ද හමුවීමට නියමිතය. දේවධර්ම විශ්වවිද්‍යාලය මගින් මෙහෙයවන සාමය පිළිබඳ ජාත්‍යන්තර සමුළුවේදී Sheikh Tayeb හා පාප්තුමන් ද ලෝකය ඇමතීමට සූදානම්ය. ලෝකයේ නන්දෙසින් සහභාගී වන සම්භාවනීය අමුත්තන් 300 කට අධික ප්‍රමාණයක් මේ සඳහා සහභාගීවීමට නියමිත අතර මෙමගින් ආගමික නායකයින්, සමාජය හා ලොව අන් රටවල් අතර කතාබහක් ඇතිකිරීමටද වෑයම් කරනු ඇති බව ඊජිප්තු ජනපතිතුමන් පවසා ඇත.

මේ වනවිට පාප්තුමන් රෝමයේ Fiumicino ගුවන්තොටුපළෙන් ඊජිප්තුව කරායෑමට ගුවන්ගතවී ඇත. පැය 24 ක කාලයක් එතුමන් ඊජිප්තුවේ සංචාරය කිරීමට නියමිතය.

එතුමන් පැමිණෙන්නේ මීට සති දෙකකට පෙරාතුව බෝම්බ දෙකකින් ඊජිප්තු සෙබළුන් 49 දෙනෙකු ඝාතනයට පත්වීමෙන් හා තවත් 120 දෙනෙකුට තුවාල සිදුවී තිබෙන පසුබිමකය. මේ ප්‍රහාරයේ වගකීම ISIS ත්‍රස්තවාදීන් වගකීම භාරගන්නා බව ප්‍රකාශ කෙරුණි.