ගාල්ල, මාතර හා රත්නපුර යන දිස්ත්රික්ක වල තවමත් වැසි ඇති විමේ හැකියාවක් පවතින බැවින් නිවාස හැර ආ පුද්ගලයන්ට නැවත තම නිවාස වලට නොයන ලෙස රජය ඉල්ලා සිටී.
මිලිමීටර් 100 වඩා අධික වැසි මෙම ප්‍රදේශ වලට ඇඳ හැලෙනු ඇති බවයි කාලගුණ විද්‍යා දෙපාර්තුමේන්තුව අනාවැකි පළ කරනවා.
මේ අතර ජාතික ගොඩනැගිලි පර්යේෂණ සංවිධානය දිස්ත්රික්ක 07කට නිකුත් කර ඇති නායයාම් අනතුරු ඇඟවීම තවදුරටත් වලංගු බව එම දෙපාර්තුමේන්තුව පවසනවා.
අද (29) දහවල් වන විට මහා ගංවතුර තත්ත්වය හා නායයාම් හේතුවෙන් මියගිය සංඛ්‍යාව 169ක් දක්වා ඉහල ගොස් තිබෙන අතර 102 දෙනෙකු අතුරුදහන්ව ඇති බව ආපදා කළමණාකරන මධ්‍යස්ථානය පැවසුහ.
එයින් මරණ 71ක් රත්නපුර දිස්ත්‍රික්කයෙන් ද කළුතර දිස්ත්‍රික්කයෙන් මරණ 53ක් ද වාර්තා වී තිබේ.
මේ වනවිට පවුල් 128586 කට අයත් පුද්ගලයින් 471542ක් අවතැන් වී ඇති අතර අවතැන් වූ පවුල් 18652කට අයත් 75236 දෙනෙකු ආරක්ෂිත ස්ථාන 336ක රඳවා සිටින බවද ආපදා කළමනාකරණ මධ්‍යස්ථානය පවසයි.
Facebook Comments
