දෙමළ සහ මුස්ලිම් ජනතාවට යුක්තිය සහ සාධාරණය ඉටු කරන බව සහ බලය ලබා දෙන බවට පොරොන්දු ලබා දෙමින් එම ජනයාගේ වැඩි ජන්දයෙන් බලයට පත් ආණ්ඩුව අද වින විට සුළු ජනතාව පාරට ඇද දමා ඇති බව යහපාලන රජය පිහිටවීමට මුලික වු වාමාංශික නායකයෙක් පවසයි.
යහපාලන රජය විසින් කේපාපිලව් දෙමළ ජනතාවගේ මෙන්ම මුස්ලිම් ජනතාවගේද ඉඩම් උදුරාගෙන ඔවුන්ව පාරට ඇද දම ඇති බවට නව සම සමාජ පක්ෂයේ නායක ආචාර්ය වික්‍රමබාහු චෝදනා කර සිටියේ තම ඉඩම් හී අයිතිය ඉල්ලා අඛණ්ඩ සත්‍යග්‍රහයක නිරත කේපාපිලව් ජනතාවගේ අරගලයට සහය දක්වමින් අද (22) කොළඔ පැවති විරෝධතාවයකදීය.
ජනතාව තම ගැටලු වලට විසදුම් ඉල්ලු සිටන ආණ්ඩුව ජනතාවට කොකා පෙන්නනව බවට චෝදනා කරන නව සම සමාජ පක්ෂ නායකයා අවධාරණය කරන්නේ පැවති මර්ධනකාරී ආණ්ඩුවට එරෙහිව සටන් කර යහපාලන රජය බිහි කිරීමට උර දුන්නේ ජනතාවගේ ඉඩම් උදුරා ගැනීමට නොව ජනතාවගේ උදුරා ගත් ඉඩම් ආපසු ලබා දීමට බවයි.
රනිල් වික්‍රමසිංහ, මෛත්‍රීපාල සිරිසේන සහ ආරක්ෂක අමාත්‍යවරයාගෙන් ආචාර්ය වික්‍රමබාහු දැඩිව ප්‍රශ්න කර සිටියේ මාතෘ භූමිය එක්සත් කර දේශපාලන විසදුම් ලබා දී සියලු ජනතාවට පිලිගත හැකි විසදුමක් කරා ගෙන යන්නේද නැත්තම් දෙමළ ජනතාව මුස්ලිම් ජනතාව පාරට ඇද දමා රට ලෝකයේ විහිලුවක් බවට පත් කරලා ඒ විහිලුවෙන් රටම විනාශ වෙන තැනකට ඇදගෙන යනවාද යන්නයි.
දෙමළ ජනයාගේ ප්‍රශ්නයට පැහැදිලි විසඳුමක් ලබා දීමට යහපාලන රජය අසමත් වුවහොත් එය ජාතික වශයෙන් ගෙන විසඳුමක් ලබා දීමට හැකි ආණ්ඩුවක් පත් කර ගැනීමට සටන් කරන බවටද නව සම සමාජ පක්ෂ නායක ආචාර්ය වික්‍රමබාහු යහපාලන රජයට අනතුරු ඇඟවීය.
ආණ්ඩුවේ සංහිඳයාව මේකද?
ගුවන් හමුදාව විසින් බලහත්කාරයෙන් අල්ලා ගෙන සිටින ඉඩම් ඉල්ලා උපවාසයේ නිරත කේපාපිලව් ජනතාව අතරින් බහුතරයක් අවසන් යුද්ධයට මුහුණ දුන් අය සහ යුද්ධය හේතුවෙන් වැන්දඹුවන් බවට පත් වුවන් බව පවසන ලංකා ගුරු සංගමයේ ලේකම් ජොශප් ස්ටාලින් රජය විසින් ඔවුන්ගේ අයිතීන් ලබා නොදී නිදි වැදී සිටින බවට එහිදී චෝදනා කළේය.
දෙමළ ජනතාවට යුක්තිය ඉටුකරන බවටත් ඔවුන්ගේ ඉඩම් ලබා දෙන බව සහ යහපාලන තුළ සංහිඳියාව ඇති කරන බවට සපත කරමින් බලයට පැමිණි ආණ්ඩුවේ සංහිඳියාව මෙය දැයි ප්‍රශ්න කරන ගුරු සංගම් ලේකම්වරයා චෝදනා කළේ ආණ්ඩුව දෙමළ ජනතාව පෙන්වමින් එක්සත් ජාතීන්ගේ සංවිධානය රවටමින් සිටින බවටයි.
Facebook Comments
