රවිරාජ් ඝාතන නඩුව යළි විභාගයට අවසර

0
732
Ivory Agency Sri Lanka
wedding people

හිටපු පාර්ලිමේන්තු මන්ත්‍රී නඩරාජා රවිරාජ් ඝාතනයට මහාධිකරණය විසින් ලබා දුන් නඩු තීන්දුව අවලංගු කර යළි විභාග කිරීමේ නියෝගයක් නිකුත් කරන ලෙස ඉල්ලා ගොනු කළ පෙත්සමක් විභාග කිරීමට අභියාචනාධිකරණය විසින් අද (22) අවසර ලබාදී තිබේ.

රවිරාජ් බිරිඳ වන සශිකලා රවිරාජ් විසින් ගොණු කල පෙත්සම විභාග කිරීමට අවසර ලබා දීමටයි අභියාචනාධිකරණය මෙසේ තීරණය කරනු ලැබුවේ.

රවිරාජ් ඝාතන නඩුව විශේෂ ජූරි සභාවක් ඉදිරිපිට විභාග කොට ඒ සම්බන්ධයෙන් චෝදනා එල්ලවී සිටි විත්තිකරුවන් පස් දෙනෙකු නිදොස් කොට නිදහස් කරලීමට ජුරී සභා තීරණයට අනුව කොළඔ මහාධිකරණය ඉකුත් දෙසැම්බර් මස තීන්දු කළ බව පෙත්සම්කාරිය කියා සිටී.

ත්‍රස්තවාදය වැළැක්වීමේ පනත යටතේ අත්අඩංගුවට ගෙන ඔවුන්ට එරෙහිව චෝදනා ගොනුකර තිබියදී එලෙස විශේෂ ජූරි සභාවක් හමුවේ නඩු විභාගය පැවැත්වීම නීත්‍යනුකූල නොවන බව රවිරාජ් බිරිඳ වන සශිකලා සිය පෙත්සම මඟින් පෙන්වාදී තිබේ.

මේ හේතුවෙන් විත්තිකරුවන් නිදොස් කොට නිදහස් කිරීමට මහාධිකරණය දුන් තීන්දුව බල රහිත කර නඩුව යළි විභාග කරන මෙන් නියෝගයක් පනවන මෙන් ද පෙත්සම්කාරිය අධිකරණයෙන් ඉල්ලා සිටියාය.

ඉදිරිපත් වු කරුණු සළකා බැලු අභියාචනාධිකරණය පෙත්සම ඉදිරියට පවත්වාගෙන යාම සදහා අවසර ලබා දුන් අතර ඒ අනුව මාර්තු මස 28 වෙනිදා අධිකරණයේ පෙනී සිට කරුණු දක්වන මෙන් වග උත්තරකරුවන් ලෙස නම්කර තිබු, නිදොස් කොට නිදහස් කරන ලද විත්තිකරුවන් පස් දෙනා සහ නීතිපතිවරයා වෙත නොතිසි නිකුත් කෙරිණි.

Facebook Comments