පෞද්ගලික රෝහල්වලින් අයකෙරෙන වැට් බද්ද අහෝසි කිරීමට පියවර ගන්නා බව මුදල් හා ජනමාධ්‍ය අමාත්‍යවරයා පවසයි.
යහපාලන ආණ්ඩුවේ ජනතාවට සහන ලබා දීමේ වැඩපිළිවෙළේ කොටසක් ලෙස එළඹෙන සතියේ සිට මෙම තීරණය ක්‍රියාත්මක කිරීමට පියවර ගන්නා බවයි මංගල සමරවීර අමාත්‍යවරයා පෙන්වා දෙන්නේ.
“සෞඛ්‍ය වෙනුවෙන් දැනට වෙන් කෙරෙන 3.5% ප්‍රතිශතය 2020 වන විට 5% දක්වා ඉහළ නැවීම ද ආණ්ඩුවේ අපේක්ෂාවයි. දැනට පෞද්ගලික රෝහල් වලින් අය කෙරෙන වැට් බද්ද ලබන සතියේ සිට අහෝසි කිරීමට ද කටයුතු කරනවා” යැයි 16 සෙනසුරාදා ගංවතුර තත්ත්වය හේතුවෙන් පීඩාවට පත් මාතර දිස්ත්‍රික්කයේ ජනතාව වෙත වන්දි ප්‍රදානය කිරීමට එක්වෙමින් ඇමැතිවරයා කියා සිටියේය.
රාජපක්ෂ පාලනය විසින් රටට දායාද කල අධික ණය බර කළමනාකරණය කරගනිමින් ජනතාවට සියලු සහන ලබා දෙන බවයි අමාත්‍ය මංගල සමරවීර පවසන්නේ.
පොහොසතුත් තවමත් සෘජු බදු ලෙස ගෙවනු ලබන්නේ 18% බව පෙන්වා දෙන ඇමැතිවරයා කෝටි දෙකකට අධික ශ්‍රී ලංකිකයන්ගෙන් බදු ගෙවනු ලබන්නේ ලක්ෂ හතරක පමණ ප්‍රමාණයක් බව ද වැඩි දුරටත් කියා සිටියේය.
Facebook Comments
