දෙමළ ජනයාගේ අයිතීන් විනාශ කර ගැනීමට මුලිකත්වය ගත් නිසා තම පක්ෂය රැක ගත යුතු බවට ජනතා විමුක්ති පෙරමුණ ප්‍රකාශ කර තිබේ.
ජනතා විමුක්ති පෙරමුණ රටෙන් අතුගා දැමිය යුතු බවට පුද්ගලික රූපවාහිනි නාළිකාවක පැවැති සංවාදයකට දුරකතනය ඔස්සේ සම්බන්ධවු ප්‍රේක්ෂයෙකු කරන ලද යෝජනාවට පිළිතුරු දෙමින් පාර්ලිමේන්තු මන්ත්‍රී නලින්ද ජයතිස්ස මේ බව කියා සිටියේය.
“මට කියන්න ඕනේ නලින්ද ජයතිස්ස මහත්තයට දොස්තර මහත්තයාලගෙ තියෙන්නනේ අපි අත්විඳපු දෙයක් තමයි 88,89 කාලේ ඒ තුවක්කු වලින් කරපු භිෂණය දැන් ආයුධ නැතිව කටින් කරනවා,” යි කී නම හෙළි නොකළ ප්‍රේක්ෂකයා සඳහන් කළේය.
ප්‍රජාතන්ත්‍රවාදය පිළිබඳව කතා කළ ද ඔවුන් තුළ ප්‍රජාතන්ත්‍රවාදය නැති බව සඳහන් කළ එම නරඹන්නා ජවිපෙ රටට අනවශ්‍ය කණ්ඩායමක් බවයි කියා සිටියේ.
ඊට පෙරළා පිළිතුරු දුන් ජවිපෙ මන්ත්‍රී නලින්ද ජයතිස්ස ජාතික ප්‍රශ්නයට විසඳුම් දීමට එක් කරන ලද උතුරු නැගෙනහිර පළාත් සභා වෙන් කිරීම, සටන් විරාම ගිවිසුම අවසන් කරමින් යුද්ධය ඇති කිරීමට පෙරමුණ ගැනීම නිසා තම පක්ෂය ආරක්ෂා කළ ගත යුතු යැයි සඳහන් කරන ලදී.
“JR එකතු කල උතුරු නැගෙනහිර වෙන්කළේ අපි, රනිල්ගේ ස්වයං පාලන අධිකාරිය පැරද්දුවේ අපි, LTTE බලය දෙන සුනාමි සහන මණ්ඩලය පැරද්දුවේ අපි, ජනාධිපති පුටුවේ මහින්දව වාඩි කලේ අපි, දිනන්න බැහැ කිව්ව යුද්දේ පුළුවන් කිව්වේ අපි.” යැයි සිය ෆේස්බුක් පිටුවේ සටහන් කර ඇත.
එක්සත් ජාතින්ගේ ගණන් බැලීම් අනුව උතුරේ දියත් කළ අවසන් යුද්දයෙන් මිය ගිය සිවිල් වැසියන් ගණන විසි එක් දහස ඉක්මවයි.
ඒ සම්බන්ධයෙන්ද ජවිපෙ වග කියන්නෙ දැයි මන්ත්‍රීවරයා සඳහන් කළේ නැත.
Facebook Comments
