සමාජ ජාලා ඔස්සේ ජනපතිට මරණ තර්ජන කළ තරුණයා රිමාන්ඩ්

0

 

ෆේස්බුක් ඔස්සේ ජනාධිපති මෛත්‍රීපාල සිරිසේනට  මරණ තර්ජන සිදුකළ බවට වන  චෝදනාව යටතේ  අත්අඩංගුවට ගත් තරුණයෙකු ලබන 15 වැනිදා දක්වා රක්ෂිත බන්ධනාගාර ගත කිරීමට කොළඹ මහේස්ත්‍රාත් අධිකරණය නියෝග කර තිබේ.

26 හැවිරිදි රත්ගම දිනූෂ් චාමර නැමැති  තරුණයා අත්අඩංගුවට ගෙන 08 බ්‍රහස්පතින්දා දින අධිකරණයට ඉදිරිපත්කර ඇත්තේ  අපරාධ පරීක්ෂණ දෙපාර්තමේන්තුව විසිනි.

සැකකරු වෙනු‍ෙවන් පෙනී සිටි නීතිඥවරයා අධිකරණයෙන් ඉල්ලා  ඇත්තේ වෙනත් අන්තර්ජාල පිටුවකින් ලබාගත් තොරතුරක් සැකකරු විසින් එසේ පළ කර ඇති බැවින් ඔහුට ඇප ලබාදෙන ලෙසයි.

මෙම සිද්ධිය ගැන පරීක්ෂණ පැවැත්වෙන බැවින් සැකකරුට ඇප ලබාදීමට විරුද්ධ බවයි එහිදී  රහස් පොලීසිය අධිකරණයට දන්වා ඇත්තේ.

කරුණු සැලකිල්ලට ගත්  කොළඹ ප්‍රධාන මහේස්ත්‍රාත් ගිහාන් පිලපිටිය සැකකරු ලබන 15 තෙක් රිමාන්ඩ් කිරීමටත්, එදිනට පරීක්ෂණවල ප්‍රගතිය දැනුම්දෙන ලෙසත් නියෝග කර තිබේ.

Facebook Comments

wedding people