සාමය, සහජීවනය නොමැතිනම් කිසිදු සංවර්ධනයක ප්‍රතිඵලයක් ලබාගත නොහැකි බව අධිකරණ හා බුද්ධ ශාසන අමාත්‍යවරයා පවසයි.
නව ආණ්ඩුක්‍රම ව්‍යවස්ථාවේ කටයුතු හොඳින් සිදුවන අවස්ථාවක එම ක්‍රියාදාමය කඩා කප්පල් කිරීමට යම් යම් දේශපාලන බලවේග ක්‍රියා කරන බවයි අමාත්‍ය විජයදාස රාජපක්ෂ පවසන්නේ.
ඔහු ඒ බව පවසා සිටියේ 08 බ්‍රහස්පතින්දා දින පාර්ලිමේන්තුවේ දී බුද්ධ ශාසන අමාත්‍යාංශයේ වැයශීර්ෂය විවාදයේ අඳහස් දක්වමිනි.
“අපේ රට යුරෝපීය යටත් විජිතයක්ව පැවැති කාලයේ අපේ රටේ සහජීවනය නැති කිරීමට විවිධ උපක්‍රම යෙදුවා. අපිට ආපසු හැරී බලනවිට විට සතුටු වීමේ හැකියාවක් නෑ.රටේ සහජීවනය නැති කිරීමට සුදුපාලකයන් විවිධ උපක්‍රම යෙදුව. සාමය, සහජීවනය නොමැතිනම් කිසිදු සංවර්ධනයක ප්‍රතිඵලයක් ලබාගත නොහැකියි. අපි බොහොම දුක් විදපු ජාතියක්.අපට පරණ තත්ත්වයට යන්න බෑ. ඉතිහාසය ලියවී තිබෙන්නේ, මුතුන් මිත්තන්ගේ දහදිය, කදුළු රුධිරය මතින්” අමාත්‍යවරයා එහිදී වැඩි දුරටත් පැවසීය.
නව ආණ්ඩුක්‍රම ව්‍යවස්ථාවේ කටයුතු හොඳින් සිදුවන අවස්ථාවක එම ක්‍රියාදාමය කඩා කප්පල් කිරීමට යම් යම් දේශපාලන බලවේග ක්‍රියා කරන අතර අලුත් ආණ්ඩුක්‍රම ව්‍යවස්ථාව තුළ,බෞද්ධයින්ට තිබෙන අයිතිය නැති කරනවා,කියලා, අකුරක්වත් කෙටුම්පත් කර නැති එකකට මෙවැනි විවේචන ඉදිරිපත් කරන බවයි ඔහු වැඩි දුරටත් පවසා සිටියේ.
රටේ ස්ථාවර බවක් ඇති කළ යුතු බව පැවසු අමාත්‍යවරයා අවධාරණය කර සිටියේ ” බෞද්ධ ආගම සංරක්ෂණය කරනවා, පෝෂණය කරනවා, ප්‍රමුඛත්වය ලබාදෙනවා, කියන වගන්තිය කිසි වෙනසක් වෙන්නේ නෑ.” යනුවෙනි.
Facebook Comments
