ඉල්ලීම පිළිගන්න බෑ – ජනපති ගෙන් සජිත් ට පිළිතුරක්

0

අග්‍රාමාත්‍ය ධුරය භාරගැනීමට සූදානම් බැවින් අනුව හෙට දිනයේ නව ආණ්ඩුවක් පිහිටුවමින් දිවුරුම් දීමට අවස්ථාව ලබාදෙන ලෙස විපක්ෂ නායකවරයා කරන ලද ඉල්ලීම ජනාධිපතිවරයා විසින් බැහැර කර තිබේ.

අගමැති ධුරය බාර ගන්නා ලෙස තමා විසින් රනිල් වික්‍රමසිංහට දුන් වචනය මේ අවස්ථාවේදී වෙනස් කළ නොහැකි බව ජනාධිපති ගෝඨාභය රාජපක්ෂ විපක්ෂ නායක සජිත් ප්‍රේමදාස වෙත දැනුම් දුන් බවයි ජනාධිපති කාර්යාලයේ ආරංචි මාර්ග පවසන්නේ.

වත්මන් අර්බුදය තුළ අගමැතිධුරය බාරගනිමින් ආණ්ඩුවක් පිහිටුවන ලෙස තමන් පළමුව අරාධනා කලේ විපක්ෂ නායකවරයාට බව සඳහන් කර ඇති ජනාධිපතිවරයා, විපක්ෂ නායකවරයා දිගින් දිගටම එම ඉල්ලීම ප්‍රතික්ෂේප කළ බවද ප්‍රකාශ කර තිබේ.

එම තත්ත්වය තුළ අගමැතිධුරය බාර ගන්නා ලෙස තමා කල ඉල්ලීමට හිටපු අගමැති රනිල් වික්‍රමසිංහ ගෙන් යහපත් ප්‍රතිචාරයක් ලැබුන හෙයින්, ඔහුට අද දිනයේ දිවුරුම් දීමට පැමිණෙන ලෙස ආරාධනා කළ බවත් ජනාධිපතිවරයා දන්වා ඇතැයි බවයි ආරංචි මාර්ග පවසන්නේ.

කෙසේවුවද පාර්ලිමේන්තුව තුළ 113ක බහුතර බලයක් පෙන්වා අගමැති ධුරය ලබාගන්නා ලෙස ජනාධිපතිවරයා, විපක්ෂ නායකවරයාට වැඩිදුරටත් දැනුම් දී ඇතැයි ද දැනගන්නට තිබේ.

Facebook Comments