මාධ්‍යවේදියකු පැහැර ගැනීම ගැන බුද්ධි නිලධාරින් හත් දෙනකුට නඩු

0

පලමු රාජපක්ෂ පාලනයේ අවසන් භාගයේදී අතුරුදහන් කරවු මාධ්‍යවේදියකු පැහැර ගැනීමේ අපරාධයට යුද හමුදා බුද්ධි නිලධාරීන් හත් දෙනකුට එරෙහිව චෝදනා ගොනු කර තිබේ.

ල්‍රතිනන් කර්නල් ශම්මි කරුණාරත්න සහ ලුතිනන් කර්නල් ප්‍රබෝධ සිරිවර්ධන ඇතුළු බුද්ධි නිලධාරින් 05 දෙනකුට එරෙහිව 19 බ්‍රහස්පතින්දා හෝමාගම මහාධිකරණය මෙසේ අධි චෝදනා ගොනු කර ඇත.

එම නිලධාරින් හට අධි චෝදනා ගොනු කර ඇත්තේ අතුරුදහන් මාධ්‍යවේදී ප්‍රගීත් එක්නැළිගොඩ පලමු වරට 2009 වසරේදී පැහැරගෙන යාම සම්බන්ධවයි.

2009 අගොස්තු මස 27 වැනිදා හෝ ඊට ආසන්න දිනයක ගිරිතලේ, හබරණ හා කොට්ටාව ප‍්‍රදේශවලදී පැමිණිල්ල නොදත් පිරිසක් සමඟ එක්ව ප‍්‍රගීත් රන්ජන් බණ්ඩාර එක්නැළිගොඩ අයුතු ලෙස සිරකර තැබීමේ අදහසින් ඔහු පැහැරගෙන යෑමට කුමන්ත‍්‍රණය කළැයි විත්තිකරුවන්ට එරෙහිව චෝදනා නගා තිබේ.

ඉන් පසු නැවත වරක් මාධ්‍යවේදී ප්‍රගීත් එක්නැලිගොඩ කොළඹට තදාසන්න ප්‍රදේශයකදි පැහැර ගෙන ගොස් අතුරුදහන් කරනු ලැබුවේ 2010 ජනවාරි මස 24 වැනි දිනයි.

සැකකරුවන් හට ඇප ලබා දී ඇති අධිකරණය නඩුවේ වැඩිදුර විභාගය 2020 ජනවාරි 22 දක්වා කල් තබා ඇත.

Facebook Comments

wedding people