ගෝඨාභය ඝාතන තැතක් ගැන චූදිතයා 14 අවුරුද්දකට පසු නිදහස්

0
544

වර්තමාන ජනාධිපතිවරයා සිය සහෝදරයාගේ ආණ්ඩුවේ ප්‍රධාන ආරක්ෂක බලධාරියා ලෙස සිටියදී ඝාතනය කිරීමට තැත් කළ බවට චෝදනා නගා දාහතර වසරක් සිරගත කොට සිටි දෙමළ දේශපාලන සිරකරුවකු නිදොස් කොට නිදහස් කර තිබේ.

මහින්ද රාජපක්ෂ ආණ්ඩුවේ ආරක්ෂක ලේකම් ගෝඨාභය රාජපක්ෂ ඉලක්ක කොට 2006 දෙසැම්බර් 1 වන දින කොල්ලුපිටිය පිත්තල හන්දියේදී බෝම්බ පුපුරවන ලදැයි කියන චෝදනාව මත දෙමළ ජාතිකයින් පස් දෙනකු 2013 දෙසැම්බර් 4 වන දින ත‍්‍රස්තවාදය වැළැක්වීමේ පනත යටතේ මහාධිකරණයේ අධිචෝදනා ගොනු කරනු ලැබීය.

නිදහස ලැබූ චන්ද්‍රබෝස් සෙල්වචන්ද්‍රන්ට එරෙහි සාක්ෂියක් ලෙස ඉදිරිපත් කර ඇති අත් අඩංගුවේදී ගන්නා ලද පාපොච්චාරණය පිළි නොගත් මහාධිකරණ විනිසුරුවරයා පැමිණිල්ල විසින් ඉදිරිපත් කරන ලද වෙනත් විශ්වාසදායක සාක්ෂි නොමැති බවට පවසා ඇත.

ස්වේච්ඡාවෙන්ම ලබා දුන් බවට පොලිසිය පවසන එම පාපෝච්චාරණය වධහිංසා පමුණුවා බලහත්කාරයෙන් ලබාගත් බවට විත්තිය කරුණු දක්වා තිබුනි.

දෙපාර්ශවයේම කරුණු සලකා බැලූ මහාධිකරණ විනිසුරු ප්‍රදීප් හෙට්ටිආරච්චි පිළිකා රෝගියකු වන විත්තිකරු නිදොස් කොට නිදහස් කළේය.

ධර්මාජා ධර්මජා නීතිඥවරියගේ උපදෙස් පරිදි ජනාධිපති නීතිඥ කේ වී තවරාසා චූදිතයා වෙනුවෙන් ඉදිරිපත් වූ අතර නියෝජ්‍ය සොලිසිටර් ජනරාල් රොහාන්ත අබේසූරිය රජය වෙනුවෙන් පෙනී සිටියේය.

පොන්රාසාමි කාර්නිගේසු සිවාජි, සිවලිංගම් අරුණත්, පද්මනාදන් අයියර් ශී‍්‍ර ස්කන්ධ රාජා ෂර්මා හා අරුණාචලම් ආරුමුගම් පෙරුමාල් අනිකුත් සැකකරුවෝ වෙති.

Facebook Comments

wedding people