රාජපක්ෂ මර්දනයේ අඳුරු සෙවනැලි තවමත් රට තුල

0
836
Ivory Agency Sri Lanka
HailHost
wedding people

මහින්ද රාජපක්ෂ පාලන සමයේ දී මාධ්‍ය බොහෝ මර්දනයන්ට ලක් වු බව සහ මර්දනයේ අඳුරු සෙවනැලි අදටත් රට තුළ පවතින බව මුදල් හා ජනමාධ්‍ය අමාත්‍යවරයා පෙන්වා දෙයි.

මාධ්‍ය මර්දනය සම්බන්ධයෙන් රට තුළ පවතින ගෝත්‍රික මානසිකත්වය පළවා හැර එම මතවාදයන් පරාජය කළ යුතු බවට අමාත්‍ය මංගල සමරවීර කියා සිටියේ 02 බදාදා පැවති “මාධ්‍ය අධ්‍යයනය හා පුවත්පත් කලාව” පිළිබඳ ඩිප්ලෝමා පාඨමාලාවේ 5 වැනි කණ්ඩායමේ සහතිකපත් ප‍්‍රදානෝත්සවයට සහභාගී වෙමිනි.

රාජපක්ෂ යුගයේදී මාධ්‍යවේදීන් 13 දෙනෙකු ඝාතනයට ලක් වී, එක් අයෙක් අතුරුදන් වු බව මෙන්ම තවත් මාධ්‍යවේදීන් 87 ක් නොයෙක් පහර දීම් එල්ල වු ආකාරයද ඇමතිවරයා මෙහ‍ිදි සිහි කළේය.

මෛත්‍රීපාල සිරිසේන ජනාධිපතිවරයාගේ ආණ්ඩුව යටතේ අසීමිත මාධ්‍ය නිදහසක් හිමි වී තිබෙන බව කී ඇමති මංගල ආණ්ඩුවේ අඩුපාඩු හෙළි කරන අතර අනාගත පැවැත්ම වෙනුවෙන් රට ඉදිරියට ගෙන යා හැකි මාධ්‍ය සංස්කෘතියක් බිහි කිරීමට හැකියාව ලැබේවා යනුවෙන් ද අශිවාර්ද කර තිබේ.

Facebook Comments

HailHost