පොලිස් විශේෂ කාර්ය බලකායේ ප්‍රධානී, ජ්‍යේෂ්ඨ නියෝජ්‍ය පොලිස්පති එම්. ආර්. ලතීෆ් හට වසරක සේවා දිගුවක් ලබා දී තිබේ.
ජ්‍යේෂ්ඨ නියෝජ්‍ය පොලිස්පතිවරයා 05 අඟහරුවාදා සිය ධුරයෙන් විශ්‍රාම යාමට නියමිතව තිබුණි.
නියෝජ්‍ය පොලිස්පති එම්. ආර්. ලතීෆ් හට සේවා දිගුවක් ලබා දීමේ යෝජනාව ජනපති විසින් කැබිනට් මණ්ඩලයට ඉදිරිපත් කර ඇත.
ජනාධිපතිවරයා විසින් පොලිස් විශේෂ කාර්ය බලකායේ ප්‍රධානියා හට සේවා දිගුව ලබා දෙනු ලැබුවේ ඔහු විශ්‍රාම යාමට සිටි අවසන් මොහොතේය.
1979 වසරේ ජනවාරි මස 15 වන දා ආධුනික උප පොලිස් පරීක්ෂකවරයෙකු ලෙස ශ්‍රී ලංකා පොලීසියට එක්වූ ලතීෆ් මහතා සිය 40 වසරක පොලිස් සේවය තුළ විශේෂ කාර්ය බලකාය, ජාතික බුද්ධි සේවාව, අභ්‍යන්තර බුද්ධි ආරක්ෂක මණ්ඩලය ඇතුළු අංශ රැසකට සිය සේවාව ලබා දී තිබේ.
2016 වසරේ අප්‍රේල් මස 20 වන දා ජ්‍යෙෂ්ඨ නියෝජ්‍ය පොලිස්පති තනතුරට පත් වූ ඔහු එම වසරේ අගෝස්තු මස 19 වන දා සිට පොලිස් විශේෂ කාර්ය බලකාය මෙහෙයවීම සඳහා එහි සේනා විධායක ලෙස පත්වීම් ලැබුවේ ය.
ඉදිරියේ දී මත්ද්‍රව්‍ය සම්බන්ධ සියලු මෙහෙයුම්වල නායකත්වය ද ජ්‍යේෂ්ඨ නියෝජ්‍ය පොලිස්පති ලතීෆ් හට ලබා දීමට නියමිත බවටයි පොලිස් ආරංචි මාර්ග පවසන්නේ.
Facebook Comments
