සත්‍ය දැන ගැනිමෙන් පසු රටේ සංහිඳියාව තහවුරු වනු ඇති – මංගල සමරවීර

0

සත්‍යය දැනගැනීම සඳහා කාර්යාංශයක් ස්ථාපිත කිරීමෙන් අනතුරුව රටේ සංහිඳියාව තහවුරු වනු ඇති බවට ජනමාධ්‍ය හා මුදල් ඇමතිවරයා විශ්වාසය පල කරයි.

උතුරේ ජනයාට යුක්තිය ඉටු කිරීම සඳහා අතුරුදහන් වුවන්ගේ කාර්යාලයක් සඳහා නිලධාරීන් පත් කිරීම නුදුරේදීම සිදු කරන බව කී අමාත්‍ය මංගල සමරවීර ඉන් අනතුරුව සත්‍යය දැනගැනීම සඳහා කාර්යාංශයක් ස්ථාපිත කරන බව පැවසීය.

“ප්‍රජාතන්ත්‍රවාදී සමාජයක් තුල සමාජ සංහිඳියාවෙන් බැඳුනු මිනිස් පවුරක් මත ගොඩ නැගුනු නව සමාජයක්,” ඉන් අනතුරුව බිහිවනු ඇති බවට අමාත්‍යවරයා විශ්වාසය කරන බව කියා සිටියේ ශ්‍රී ලංකා රේගුවේ උප නිවාරණ කාර්යාලයක් කන්කසන්තුරයේදී විවෘත කරමිනි.

යුද අපරාධ වලට දඩුවම්

උතුරේ දියත් කල යුද්දයේදී යුද අපරාධ හා මානව හිමිකම් කඩ කල කළ ඕනෑම අයකුට විරුද්ධව පියවර ගන්නා කී අමාත්‍ය මංගල සමරවීර “කවුරු ඒ වැරැද්ද කළත් ඒ අයට විරුද්ධව කටයුතු කරන්නට අපි බැඳී සිටිනවා,” යි ප්‍රකාශ කළේය.

ජාතික ප්‍රශ්නයට විසඳුම් සොයා නොගැනීම නිසා පොදුරාජ්‍ය මණ්ඩලයේ දියුණුම රටක් ලෙස පැවති ශ්‍රී ලංකාව ආපස්සට ගිය බව සිංගප්පුරු අගමැති ලී ක්වාන් යු සඳහන් කර ඇතැයිද ඇමතිවරයා සිහිපත් කර දුන්නේය.

Facebook Comments

wedding people