මත්ද්‍රව්‍ය මඩින්න නව පොලිස් ඒකකයක්

0

මත්ද්‍රව්‍ය ජාවාරම මැඩ පැවැත්වීමට නව පොලිස් ඒකයක් පිහිටුවන බව නිතිය හා සාමය සහ දක්ෂිණ සංවර්ධන අමාත්‍යවරයා පවසයි.

මත්ද්‍රව්‍ය ජාවාරම මැඩ පවත්වමින් ශ්‍රී ලංකාව මතින් නිදහස් රටක් බවට පත්කිරීමේ අරමුණින් මෙම ඒකකය ආරම්භ කරන බවයි ඇමැති සාගල රත්නායක පවසන්නේ.

පොලිස් මත්ද්‍රව්‍ය කාර්යාංශයත් සංවිධානාත්මක අපරාධ මැඩලීමේ කොට්ඨාසයත් එක්ව මෙම නව දිසාව ආරම්භ කරන අතර එහි සිදු කරන මෙහෙයුම් කටයුතු සඳහා විශේෂ කාර්ය බළකාය, ශ්‍රී ලංකා නාවික හමුදාව, රේගුව ආදී ආයතනවල සහාය ලබාගන්නා ගන්නා බවද ඇමැතිවරයා කියා සිටි.

මත්ද්‍රව්‍ය ජාවාරමේ සහ පාතාල ලෝකයේ තෝරු, මෝරු, හාල්මැස්සෝ මේ සියලු දෙනාම නීතියේ දැලට හසු කරගන්නා බව මෙන්ම ඒ කිසිවෙකුට කිසිදු සමාවක් හිමි නොවන බවට අමාත්‍යවරයා අවධාරණය කර සිටියේ ජාත්‍යන්තර තරුණ දිනයට සමගාමිව No Drugs අපි Youth තේමාව යටතේ ජාතික තරුණ සේවා සභාව සංවිධානය කල උත්සවයකදීය.

ශ්‍රී ලංකාව හුවමාරු මධ්‍යස්ථානයක්

මත්ද්‍රව්‍ය ජාවාරම රට තුළ බරපතල ප්‍රශ්නයක් වී ඇති බව කී ඇමැති සාගල මේ වනවිට මත්ද්‍රව්‍ය සහ පාතාලය එකට බැඳුණු ක්‍රියාවලියක් ලෙස සිදුවන බැව් මෙහිදී අනාවරණය කළේය.

ශ්‍රී ලංකාව අද ලෝක මත්ද්‍රවය ජාවාරමේ හුවමාරු මධ්‍යස්ථානයක් ලෙස යොදාගෙන තිබෙන බව පවසන ඇමතිවරයා ඇෆ්ගනිස්ථානය, පාකිස්ථානය සහ ඉන්දියාව හරහා ශ්‍රී ලංකාවට ගෙන්වන මත්ද්‍රව්‍ය ආසියාවේ අනෙකුත් ප්‍රදේශවලට බෙදාහැරිම සිදු වන බව පැවසීය.

මත්ද්‍රව්‍ය ජාවාරම මැඩලන්න ජාත්‍යන්තර සහයෝගයත් ලබාගෙන ඇති බව මෙන්ම දැනටමත් කලාපයේ අනෙකුත් රටවල් සමඟ බුද්ධි තොරතුරු හුවමාරුව ඇතුළු ක්‍රමවේදයන් රැසක භාවිතා කරන බවයි නිතිය හා සාමය සහ දක්ෂිණ සංවර්ධන අමාත්‍ය සාගල රත්නායක වැඩිදුරටත් කියා සිටියේ

Facebook Comments

wedding people