සිය ඔසප් සමයේදී නිවසින් පිටත ගත කිරීමට බල කෙරෙන අමානුෂික නේපල සිරිත සාපාරාධි ක්‍රියාවක් ලෙස නම් කරමින් එරට පාර්ලිමේන්තුව පනතක් සම්මත කර තිබේ.
මෙම චාරිත්‍රය “චෞපදී” හඳුන්වනු ලබන අතර කි මෙකි සිරිතට එරෙහිව වැඩි වශයෙන් කතා බහක් ඇති වුයේ ගව මඩුවක රාත්‍රිය ගත කිරීමට බල කෙරුනු ස්ත්‍රීන් දෙදෙනකු ජීවිතක්ෂයට පත්ව වීමෙන් අනතුරුවය.
නව නීතියට අනුව “චෞපදී” චාරිත්‍රය ඉටු කිරීමට බල කරන ඕනෑම පුද්ගලයෙක්ට තෙමසක සිර දඬුවමක් සහ ඇමරිකානු ඩොලර් 30 ක දඩ මුදලක් ගෙවීමට සිදු වනු ඇත.
පුරාණ හින්දු සිරිතට අනුව, ආර්තව සමය එළැඹ ඇති කාන්තාවක් හෝ දරුවකුට උපත දුන් කාන්තාවක් සලකනු ලබන්නේ කිලි සහිත හෝ අවාසනාව ගෙන එන්නියක් හෝ ලෙසටය.
මෙම සිරිතට අනුව ඔවුන්ට නිවසින් පිට කුටියක හෝ ගව මඩුවක නිදා ගැනීමට බල කිරීමද සිදු විය හැකිය.
නේපාලයේ කළ සමීක්ෂණයකට අනුව ඇමරිකානු එක්සත් ජනපද රාජ්‍ය දෙපාර්තමේන්තු මානව හිමිකම් අංශය 2016 එළි දැක්වූ වර්තාවක සඳහන් වන්නේ වයස අවුරුදු 15 ත් 49 ත් අතර පසුවන එරට කාන්තාවන්ගෙන් 19% චෞපදී චාරිත්‍රයට මුහුණ දී ඇති බවයි.
Facebook Comments
