උතුරේ සංවර්ධන ව්යාපෘති සම්බන්ධයෙන් ඉන්දියාව හා චීනය අතර තරගයක් පැවතියත්, පේදුරු තුඩුව ධීවර වරාය සංවර්ධන ව්යාපෘතියේ ප්රමුඛතාවය ඉන්දියාවට ලබා දීමට ආණ්ඩුව තීරණය කර තිබේ.
“ආසියානු සංවර්ධන බැංකුවේ ආධාර මත කෙරෙන පේදුරුතුඩුව ධීවර වරාය සංවර්ධන ව්යාපෘතියේ කටයුතු ඉන්දියාවට හෝ චීනයට ලබා දෙන්නේ නම් ප්රමුඛතාවය හිමිවන්නේ ඉන්දියාවට,“යැයි ධීවර අමාත්ය ඩග්ලස් දේවානන්ද දෙසැම්බර් 28 වැනිදා මාධ්ය හමුවේ ප්රකාශ කළේය.
ආසියානු සංවර්ධන බැංකුවේ හා ශ්රී ලංකා රජයේ මුදල් යොදවා පේදුරුතුඩුව ධීවර වරාය සංවර්ධන ව්යාපෘතිය අරඹනු ලැබුවේ යහපාලන ආණ්ඩුව විසිනි.
උතුරේ ග්රාම සේවා වසම් 109 ක ගෘහ මුලික ස්ත්රීන්ගෙන් යුත් පවුල් 15000 ක්,රැකියා විරහිත තරුණ තරුණියන් 35000ක් සහ ආබාධිතයන් 15000 කට සෘජු හා වක්ර රැකියා අවස්ථා උත්පාදනයට මෙම සංවර්ධන ව්යාපෘතිය යටතේ අපේක්ෂිතය.
සිව් වසරකින් නිම කිරීමට බලාපොරොත්තුව පේදුරු තුඩුව වාරයේ පළමු අදියර යටතේ අංග සම්පුර්ණ ධීවර වරායකට අවශ්ය කෙරෙන සියලු පහසුකම් ඇතිව ඉදි කිරීමට සැලසුම් කර තිබිණි.
Facebook Comments
