පොදු ව්‍යාපාර පිළිබඳ කාරක සභාවේ කටයුතුවලට අවශ්‍ය වන්නේ කෝටි ගණනක් වටිනා නිල රථයක් නොව ප්‍රමාණවත් තරම් සුදුසුකම් සහිත කාර්යමණ්ඩලයක් බව එම කමිටු සභාපති පාර්ලිමේන්තු මන්ත්‍රී සුනිල් හඳුන්නෙත්ති පවසයි.
කෝප් කමිටුවේ කාර්යාංශකටයුතු සඳහා භාෂා පරිවර්තකයින් සහ ලිපිගොනු ආක්ෂා සහිතව තබා ගැනීම සඳහා ප්‍රමාණවත් පහසුකම් බවයි සභාපතිවරයා පවසන්නේ.
එම පහසුකම් ලබා නොදී තම ප්‍රතික්ෂේප කළ වාහනය ලබා දීමට උත්සහා කරන්නේ මන්ද යන්න මන්ත්‍රීවරයා ප්‍රශ්න කර සිටිනවා.
තමන්ට කෝප් කමිටුවේ සභාපති ලෙස නිල රථයක් ලබාදීමට කටයුතු කරන බව දැනගත් පළමු මොහොතේම එය ප්‍රතික්ෂේප කළත් දිගින් ගිටම එම රථය ලබාදීමට උත්සාහ කිරමේ අරමුණ කෝප් කමිටුව හැල්ලු කිරීම බවයි ඔහු අවධාරණය කරන්නේ.
කෝප් කමිටුව විසින් පසුගියදා පාර්ලිමේන්තුවට ඉදිරිපත් කළ වාර්තාව පිළිබඳ මේ වනවිට රටේ සංවාදයක් මතුවිය යුතුව ඇති නමුත් වාහන ලබාදීම පිළිබඳ සංවාදය මතුකර කෝප් වාර්තාව පිළිබඳ සංවාදය මතු නොවීමට කටයුතු කරමින් ඇති බවට කෝප් කමිටු සභාපති මන්ත්‍රී සුනිල් හඳුන්නෙත්ති චෝදනා කර සිටිනවා.
කෝප් කමිටුව, ගිණුම් කාරකාරක සභාව හෑල්ලු කිරීමේ උත්සාහයක් පවතින බවත් ඒ පිළිබඳව කරුණු ඉිදිරියේ රටට හෙළිකරන බවයි සුනිල් හඳුන්නෙත්ති මන්ත්‍රීවරයා පවසන්නේ.
Facebook Comments
