තොරතුරු දැනගැනීමට කොමිෂන් සභාවක්

0

තොරතුරු දැනගැනීමේ අයිතිය පිළිබඳ කොමිෂන් සභාවේ සාමාජිකයින් පත් කර එය කොමිෂන් සභාවක් ලෙස ස්ථාපිත කිරීමට ආණ්ඩුක්‍රම ව්‍යවස්ථා සභාව තීරණය කර ඇත.

කථානායක කරූ ජයසූරියගේ ප්‍රධානත්වයෙන් රැස්වූ ආණ්ඩුක්‍රම ව්‍යවස්ථා සභාව මේ පිළිබඳව අවධානය යොමුකර ඇති බව සඳහන්ය.

තොරතුරු දැනගැනීමේ පනත ක්‍රියාත්මක කිරීමේදී ජනමාධ්‍ය අමාත්‍යංශය සහ රාජ්‍ය පරිපාලන අමාත්‍යංශය අතර මනා සබඳතාවක් සහිතව එම ව්‍යූහය ක්‍රියාත්මක විය යුතු බව ආණඩුක්‍රම ව්‍යවස්ථා සභා සාමාජිකයින්ගේ අදහසද වී තිබේ.

තොරතුරු දැනගැනීමේ පනත පිළිබඳව ව්‍යවස්ථාදායක සභාවේ දීර්ඝ ලෙස කරුණු සාකච්ඡා වී ඇති බව සඳහන්ය.

මෙහිදී ස්වාධීන කොමිෂන් සභාවල වත්මන් තත්ත්වය සහ ක්‍රියාකාරීත්වය පිළිබඳව දැඩි අවධානයක් යොමුව ඇති බවයි වාර්තා වන්නේ.

Facebook Comments

wedding people