ජැමෙයිකානු මලල ක්‍රීඩක හුසෙයින් බෝල්ට් අඛණ්ඩව තෙවන වරටත් මීටර් 200 ධාවන තරඟයෙන් ප්‍රථම ස්ථානය ලබමින් රන් පදක්කම දිනාගෙන තිබේ.
ඒ තත්පර 19.78ක කාලයක් සටහන් කරමිනි.
2008 බෙයිජිං ඔලිම්පික් උළෙලේදීද, 2012 ලන්ඩන් ඔලිම්පික් උළෙලේදී ද, මේ අයුරින්ම මීටර් 200 පිරිමි ධාවන තරඟයෙන් රන් පදක්කම දිනාගැනීමට බෝල්ට් සමත්විය.
බෝල්ට් අද ඉතිහාසයට එක් වූයේ, අඛණ්ඩව ඔලිම්පික් උළෙල 3කදී මීටර 200 ධාවන ඉසව්ව ජය ගත් ලොව පළමු ක්‍රීඩකයා ලෙසිනි.
මෙම තරඟය තුළින්ද ලෝක වාර්තාවක් තැබීම හුසෙයින්ගේ බලාපොරොත්තුව වුවද එය ඉටුකර ගැනීමට නොහැකි වූ බවත්,මෙම තරඟය නිමා කිරීමට තත්පර 19.78ක කාලයක් ඔහුට වැයවුණු බවත් විදෙස් පුවත් සේවා අනාවරණය කරයි.
Facebook Comments
