ශ්‍රී ලංකාවට පැමිණි දෙමළ ඩයස්පෝරා නායිකාව ජනපති හමුවෙයි

0

ශ්‍රී ලංකාවේ සංචාරයක නිරතව සිටන නෝරිවේ වාසී දෙමළ ඩයස්පෝරා නායිකාවක් ජනාධිපතිවරයා හමුවී තිබේ.

ඔස්ලෝ අගනුවර නියෝජ්‍ය පුරපතිනිය ලෙස කටයුතු කරන කම්ශාජිනි ගුණරත්නම් නොහොත් කම්සි 04 සිකුරාදා ජනාධිපති මෛත්‍රීපාල සිරිසේන විසින් තුටු පඬුරු දී පිලිගත් බවයි ජනපති මාධ්‍ය එ්කකය පවසන්නේ.

වත්මන් ආණ්ඩුව බලයට පත්වීමෙන් පසුව තහනම ඉවත් කරන ලද දෙමළ තරුණ සංවිධානයේ (TYO) න්‍රියාධාරිනියක් වන කම්ශාජිනි ගුණරත්නම් සිය දස දින සංචාරයේ දී යාපනය, මුලතීව් හා මඩකලපුව බලා යාමට අපේක්ෂා කරන්නීය.

“මා ප්‍රධාන වශයෙන්ම මුණගැසීමට බලාපොරොත්තු වන්නේ කාන්තාවන්, තරුණ තරුණියන් සහ එම නගර වල මගේ සහගාමීන්,” යැයි ඇය සමාජ මාධ්‍ය ජාල ඔස්සේ ප්‍රකාශයට පත් කර තිබේ.

ඔස්ලෝ හි තරුණ කම්කරු ලීගයේ (AUF) නායිකාව වූ ඇය TYO සහ ජාතිවාදයට එරෙහි තරුණ සංවිධානයේ ද (YAR) ද ක්‍රියාධාරිනියකි.

Facebook Comments

wedding people