දේශපාලන අර්බුදයෙන් සෞඛ්‍ය සේවයට දැඩි අලාභයක්

0

ජනාධිපතිවරයා විසින් මහින්ද රාජපක්ෂ අගමැති ධුරයට පත් කිරිමෙන් රට තුල ඇති වු දේශපාලන අර්බුදය හේතුවෙන් සෞඛ්‍ය සේවාවට දැඩි අලාභයක් සිදුව ඇති බව සුව ඇමැතිවරයා හෙළි කර තිබේ.

රාජ්‍ය ඖෂධ නීතිගත සංස්ථාවේ නව සභාපතිධූරයට පත් වූ ආචාර්ය එච්.එම්.එම් රූමි සහ නව විධායක අධ්‍යක්ෂ වෛද්‍ය විල්ප්‍රට් කුමාරසිරි රාජකාරි ආරම්භ කිරිමේ අවස්ථාවට එක්වු රාජිත සේනාරත්න ඇමැතිවරයා එය යළි ගොඩනැංවීමට අවශ්‍ය පියවර ගනිමින් සිටින බව ද පැවසීය.

“දින 53 ක දේශපාලන අර්බුදය හේතුවෙන් සෞඛ්‍ය සේවාවට දැඩි අලාභයක් සිදුව තිබෙනවා. එය යළි ගොඩනැංවීමට අවශ්‍ය පියවර ගනිමින් තිබෙනවා.”

රාජ්‍ය ඖෂධ නීතිගත සංස්ථාවේ කළමනාකාර ධුරය හෙබවු ආචාර්ය එච්.එම්.එම් රූමි සභාපති ධුරයට පත් කරන ලද්දේ වෘත්තීය සමිති නායකයින් කළ ඉල්ලීම නිසාවෙන් බව ද ඇමැතිවරයා කියා සිටියේය.

“වෘත්තීය සමිති නායකයින් මා සමග කළ සාකච්ඡාවක දී ප්‍රකාශ කළා නව සභාපතිවරයාට බලතල ලබාදෙන්න කියලා. ඒ අනුව කළමණාකාර අධ්‍යක්ෂ ධූරයේ සිටි රූම් මහතා සභාපතිධූරයට මම පත් කළා.” යි අමාත්‍ය රාජිත සේනාරත්න ප්‍රකාශ කළේය.

නව සභාපතිවරයා තම දේශපාලන ගමනේ දී මෙන්ම දුකේ දී සැපේ දී පවා එකට සිටි බව ද සුව ඇමැතිවරයා වැඩි දුරටත් සිහිපත් කරන ලදී.

Facebook Comments

wedding people